పేకమేడలు.. బూస్ట్ ఇచ్చిన విశ్వక్ సేన్

నటుడిగా మంచి గుర్తింపు తెచ్చుకున్న రాకేష్ వర్రే నిర్మాతగా మారి పేకమేడలు అనే సినిమాని నిర్మించారు. నీలగిరి ఈ చిత్రంతో దర్శకుడిగా పరిచయం అవుతున్నారు. నా పేరు శివ సినిమాలో విలన్ గ్యాంగ్ లో ఒకడిగా నటించిన వినోద్ ఈ మూవీలో లీడ్ రోల్ చేస్తూ ఉండటం విశేషం. అతనికిదే మొదటి తెలుగు సినిమా. వినోద్ అయితే కరెక్ట్ గా యాప్ట్ అవుతాడని రాకేష్ వర్రే అతనిని సంప్రదించి ఈ సినిమా కోసం ఒప్పించారు.

తాజాగా యంగ్ హీరో విశ్వక్ సేన్ చేతులు మీదుగా ఈ మూవీ టీజర్ రిలీజ్ అయ్యింది. టీజర్ అయితే ప్రామిసింగ్ గా ఉందని చెప్పొచ్చు. పెద్ద పెద్ద కలలు కనే బస్తీ కుర్రాడిగా వినోద్ ఈ చిత్రంలో కనిపిస్తున్నాడు. ఈ మూవీ టీజర్ రిలీజ్ సందర్భంగా విశ్వక్ చేసిన కామెంట్స్ సోషల్ మీడియాలో వైరల్ గా మారాయి.

బేబీ సినిమా కోసం తాను ఒక హీరోని సంప్రదిస్తే కనీసం కథ కూడా వినకుండా ఇన్సల్ట్ చేశారని కామెంట్స్ చేశారు. ఆ హీరో విశ్వక్ సేన్ అని బయటకొచ్చింది. దీంతో విశ్వక్ సేన్ ని ఆదేశించి సాయి రాజేష్ చేసిన కామెంట్స్ పై పేకమేడలు టీజర్ రిలీజ్ సందర్భంగా రియాక్ట్ అయ్యారు. డేట్స్ అడ్జస్ట్ చేయలేక, లేదా వేరే కారణాలు ఏవైనా కావొచ్చు తాను చేయలేనని చెబితే దానిని వేరే విధంగా అర్ధం చేసుకున్నారు.

ఆ మూవీ టీజర్ వచ్చినపుడు బాగుందని మొదటిగా మెసేజ్ పెట్టింది తానే. అయిన కూడా తన గురించి అందరి ముందు అలా మాట్లాడటం బాధనిపించింది. మూవీ హిట్ అయితే గొప్పగా గర్వంగా తలెత్తుకోవాలి కానీ ఒకరిని కించపరిస్తే ఏమొస్తుంది అంటూ విశ్వక్ సేన్ కామెంట్స్ చేశారు. ఈ వ్యాఖ్యలు వైరల్ అయ్యాయి. నేరుగా సాయి రాజేష్ ని ఉద్దేశించి విశ్వక్ సేన్ ఈ విమర్శలు చేశారని స్పష్టం అయ్యింది.

ఈ వివాదం కారణంగా పేకమేడలుకి కూడా కొంత ప్రమోషన్ వచ్చిందని చెప్పొచ్చు. ఇదిలా ఉంటే ఈ చిత్రంలో హీరోగా నటించిన వినోద్ విశ్వక్ ప్రస్తుతం చేస్తోన్న మూవీలో ఓ కీలక పాత్రలో నటిస్తున్నాడంట. టీజర్ రిలీజ్ సందర్భంగా విశ్వక్ సేన్ ఈ విషయాన్ని రివీల్ చేశారు.