క్యూట్ పిల్లి పిల్ల‌తో క్యూటీ ఎవ‌రు?

య‌ష్ రాజ్ ఫిలింస్ ఆస్థాన క‌థానాయిక‌గా వాణీ క‌పూర్ కెరీర్ జ‌ర్నీ గురించి తెలిసిందే. శుధ్ దేశీ రొమాన్స్- బేఫిక్రే లాంటి చిత్రాల‌తో యువ‌త‌రంలో షివ‌రింగ్ పుట్టించిన ఈ బ్యూటీ కెరీర్ ఆద్యంతం యూత్ ఫుల్ ఎంట‌ర్ టైన‌ర్ల‌లో అద్భుత న‌ట‌న‌తో ఆక‌ట్టుకుంది. అయితే `వార్` లాంటి బ్లాక్ బ‌స్ట‌ర్ కి ముందు కొన్ని ప‌రాజ‌యాలు వాణీకి ఇబ్బందిని క‌లిగించాయి. బెల్ బాట‌మ్- షంషేరా లాంటి భారీ చిత్రాలు ప‌రాజ‌యం పాల‌వ్వ‌డం వాణీని నిరాశ‌ప‌రిచింది. కానీ హృతిక్‌తో `వార్` బ్లాక్ బ‌స్ట‌ర్ విజ‌యం సాధించాక వాణీ కెరీర్ జ‌ర్నీ మ‌రో ఎత్తుకు ఎదిగింది.

స‌క్సెస్ నేప‌థ్యంలో వాణీకి వ‌రుస‌గా క్రేజీ సినిమాల్లో అవ‌కాశాలు రావ‌డంతో పాటు వాణిజ్య ప్ర‌క‌ట‌న‌ల ప‌రంగాను భారీగా మార్కెట్ పెరిగింది. ప‌లు విదేశీ కార్పొరెట్ కంపెనీలు వాణీతో భారీ ఒప్పందాల‌ను కుదుర్చుకుని ప్ర‌చారం చేయించుకున్నాయి. ఇంత‌లోనే వాణీ త‌దుప‌రి అవ‌కాశాల‌పైనా ఫోక‌స్ చేసింది. ఈసారి దేవ‌గ‌న్ స‌ర‌స‌న అవ‌కాశం అందుకుంది.

ప్ర‌స్తుతం ఈ బ్యూటీ ఖేల్ ఖేల్ మెయిన్- రైడ్ 2 లాంటి క్రేజీ చిత్రాల్లో న‌టిస్తోంది. అజ‌య్ దేవ‌గ‌న్ క‌థానాయ‌కుడిగా బాలీవుడ్ లో బ్లాక్ బ‌స్ట‌ర్ సాధించిన రైడ్ చిత్రానికి సీక్వెల్ రైడ్ 2లో వాణీ క‌పూర్ పాత్ర‌కు చాలా ప్రాధాన్యత ఉంద‌ని తెలిసింది. ప్ర‌స్తుతం సెట్స్ పై ఉన్న ఈ రెండు చిత్రాల‌పైనే వాణీ హోప్స్ పెట్టుకుంది.

మ‌రోవైపు ఇత‌ర భామ‌ల‌కు ధీటుగా సోష‌ల్ మీడియాల్లో ఫాలోయింగ్ సంపాదించుకున్న వాణీ, వ‌రుస ఫోటోషూట్ల‌తో గుబులు రేపుతోంది. వాణీ బికినీ బీచ్ ట్రీట్.. పూల్ సైడ్ ట్రీట్ ని యూత్ అంత తేలిగ్గా మ‌ర్చిపోలేరు. ఇప్పుడు ఇండోర్ ఫోటోషూట్ లో వాణీ త‌న క్యూట్ బిల్లీతో ఆట‌లు ఆడుకుంటున్న ఫోటో వైర‌ల్ గా మారింది. ఇది నా పిల్లి పిల్ల కాదు! అంటూ అంద‌మైన వ్యాఖ్య‌ను వాణీ జోడించింది. దీనికి అభిమానుల నుంచి కామెంట్లు గ‌మ్మ‌త్తుగా ఉన్నాయి.. ``నిట్టూర్పు... ఆమెను ఒంటరిగా వదిలేయండి... ఆమె ఎక్స్‌ప్రెషన్ అంతా చెప్పింది``అని ఒక అభిమాని వ్యాఖ్యానించ‌గా..``మీరు మీ గదిలో నుండి కొలనులో డైవింగ్ చేస్తున్నారా? `` అని ఒక అభిమాని వ్యాఖ్య‌ను జోడించారు. ప్ర‌స్తుతం వాణీ క‌పూర్ స్పెష‌ల్ ఫోటోషూట్ అంత‌ర్జాలంలో వైర‌ల్ గా మారింది. ముఖ్యంగా వాణీ చేతిలో క్యూట్ గా ఒదిగిపోయిన ఆ పిల్లి అంద‌రి దృష్టిని ఆక‌ర్షిస్తోంది.