పుష్ప 2.. తమన్ హింట్ ఇచ్చేశాడు

అల్లు అర్జున్ మోస్ట్ అవైటెడ్ మూవీ ‘పుష్ప 2’ డిసెంబర్ 5న రిలీజ్ కాబోతోంది. వరల్డ్ వైడ్ గా ఐదు భాషలలో విడుదల అవ్వబోతున్న ఈ సినిమాపై భారీ అంచనాలు నెలకొని ఉన్నాయి. ఇండియాలోనే హైయెస్ట్ బిజినెస్ జరిగిన చిత్రంగా ‘పుష్ప 2’ ఇప్పటికే రికార్డులు క్రియేట్ చేసినట్లు టాక్ అయితే వస్తోంది. ఒక్క ఓటీటీ రైట్స్ ద్వారానే నిర్మాతలకి 250 కోట్లు వచ్చాయంట.

నార్త్ ఇండియాలో ‘పుష్ప 2’ పైన భారీ ఎక్స్ పెక్టేషన్స్ ఉన్నాయి. ఈ సినిమా దెబ్బకి విక్కీ కౌశల్ ‘ఛావా’ మూవీని సైతంగా వాయిదా వేసుకున్నారు. నార్త్ లో ‘పుష్ప 2’ మొదటి రోజు ‘జవాన్’ కలెక్షన్స్ రికార్డ్ ని బ్రేక్ చేస్తుందని ట్రేడ్ పండితులు అంచనా వేస్తున్నారు. ఇదిలా ఉంటే ఈ సినిమాకి దేవిశ్రీ ప్రసాద్ మ్యూజిక్ అందిస్తున్నాడనే విషయం అందరికి తెలిసిందే. ఇప్పటికే సినిమా నుంచి వచ్చిన రెండు సాంగ్స్ సూపర్ హిట్ అయ్యాయి.

త్వరలో రానున్న ఐటెం సాంగ్ కోసం ఫ్యాన్స్ వెయిట్ చేస్తున్నారు. ఇదిలా ఉంటే గత రెండు రోజుల నుంచి ‘పుష్ప 2’ బ్యాగ్రౌండ్ మ్యూజిక్ గురించి ఊహించని ప్రచారం నడుస్తోంది. ఈ సినిమా బ్యాగ్రౌండ్ స్కోర్ కోసం సుకుమార్ తమన్ కి అవకాశం ఇచ్చాడని అంటున్నారు. ‘పుష్ప 2’కి వర్క్ చేసే అవకాశం ఇచ్చినందుకు తమన్ ఓ ఈవెంట్ లో పుష్ప కోసం వెళ్ళాలి అన్నట్లు క్లారిటీ ఇచ్చాడు. ఈ వీడియో ఇప్పుడు సోషల్ మీడియాలో వైరల్ అవుతోంది.

ఈ వీడియో చూపిస్తూ ‘పుష్ప 2’కి తమన్ బ్యాగ్రౌండ్ మ్యూజిక్ అందిస్తున్నాడని కన్ఫర్మ్ చేసేస్తున్నారు. దేవిశ్రీ ప్రసాద్ ని కేవలం సాంగ్స్ కి మాత్రమే పరిమితం చేసి బ్యాగ్రౌండ్ స్కోర్ కోసం తమన్ కి సుకుమార్ అవకాశం ఇచ్చారని అంటున్నారు. దేవి శ్రీ ప్రసాద్ అందించిన బ్యాగ్రౌండ్ స్కోర్ విషయంలో సుకుమార్ సంతృప్తిగా లేరని అందుకే తమన్ ని తీసుకున్నారనే ప్రచారం నడుస్తోంది. మేకర్స్ నుంచి అయితే ఇప్పటి వరకు దీనిపై ఎలాంటి కన్ఫర్మేషన్ లేదు.

కేవలం సోషల్ మీడియాలోనే ఒక వీడియోని పెట్టి వైరల్ చేస్తున్నారు. ‘పుష్ప’ సినిమాకి దేవిశ్రీ ప్రసాద్ అద్భుతమైన మ్యూజిక్ అందించారు. ఈ నేపథ్యంలో ‘పుష్ప 2’ కి కూడా అతనే ఉంటాడని అందరూ భావిస్తున్నారు. ఇప్పుడు సోషల్ మీడియాలో జరుగుతోన్న ప్రచారంపై మేకర్స్ వీలైనంత త్వరగా క్లారిటీ ఇవ్వాల్సిన అవసరం ఉందని సినీ విశ్లేషకులు అంటున్నారు. లేదంటే ఈ న్యూస్ ‘పుష్ప 2’ పైన పబ్లిక్ లోకి నెగిటివ్ బజ్ ని తీసుకెళ్లే అవకాశం ఉంటుందని భావిస్తున్నారు.