రాజా సాబ్ లెక్క చెప్పి మరి కొడతారా..!

బాహుబలి తర్వాత ప్రభాస్ చేస్తున్న పాత్రలన్నీ కూడా లార్జర్ దేన్ లైఫ్ అన్న రేంజ్ లో ఉంటున్నాయి. ముఖ్యంగా మన మాస్ హీరోని కాస్త పాన్ ఇండియా హీరోని చేసి సూటు బూటు వేస్తున్నారు. బాహుబలి తర్వాత ప్రభాస్ చేసిన సినిమాల్లోని క్యారెక్టర్స్ అన్నీ కూడా అల్ట్రా స్టైలిష్ లుక్ తో వచ్చాయి. సాహో, రాధే శ్యాం, సలార్ 1 ఇలా ప్రభాస్ కి పెరిగిన ఇమేజ్ కి తగినట్టుగా క్యారెక్టర్స్ అండ్ లుక్స్ ఉన్నాయి. ఆదిపురుష్ ఒక్కటే అది కూడా రామాయణ కథ కాబట్టి డిఫరెంట్ గా కనిపించాడు.

ఇదిలా ఉంటే ప్రభాస్ లేటెస్ట్ మూవీ రాజా సాబ్ మాత్రం మరోసారి మన ప్రభాస్ అదే మన మాస్ ప్రభాస్ ని గుర్తు చేసింది. ప్రభాస్ ని మన వాళ్లంతా డార్లింగ్ అంటుంటారు. ఆ డార్లింగ్ లుక్ పర్ఫెక్ట్ గా రాజా సాబ్ లో కనిపించింది. లుంగీ కట్టి అలా మాసీగా నడిచి వస్తున్న ప్రభాస్ ని చూస్తే ప్రతి తెలుగు అభిమాని విజిల్స్ వేయడం పక్కా. అయితే ప్రభాస్ లోని ఈ మాస్ యాంగిల్ కొత్తగా వచ్చిన బీ టౌన్ ఆడియన్స్ కి పరిచయం ఉండదు. ప్రభాస్ చేసిన ఇదివరకు సినిమాల్లో ఇదే మాస్ మూమెంట్స్ ఇక్కడ ఫ్యాన్స్ ని అలరించాయి.

మారుతి ప్రస్తుతం ప్రభాస్ లోని అదే మాస్ మూమెంట్స్ తో రాజా సాబ్ చేస్తున్నాడు. ఈ సినిమా థ్రిల్లింగ్ అంశాలు ఉంటాయని తెలుస్తున్నా మారుతి మార్క్ ఎంటర్టైనింగ్ మాత్రం వేరే లెవెల్ లో ఉంటుందని తెలుస్తుంది. సలార్ 1 తో మాస్ హిట్ అందుకున్న ప్రభాస్ రాజా సాబ్ తో ఎంటర్టైన్ చేస్తాడని అంటున్నారు. ఈ సినిమా విషయంలో రెబల్ ఫ్యాన్స్ అంతా డబుల్ సాటిస్ఫై అయ్యేలా సినిమా చేస్తున్నాడట మారుతి.

ఈ సినిమా బడ్జెట్ విషయంలో కూడా పర్ఫెక్ట్ ప్లానింగ్ తో వెళ్తున్నారట. బాహుబలి తర్వాత ప్రభాస్ చేసిన సినిమాలన్నిటిలో ఇదే తక్కువ బడ్జెట్ ఇంకా చెప్పాలంటే రెమ్యునరేషన్ లతో సంబంధం లేకుండా 60 కోట్ల లోపే సినిమా పూర్తి చేస్తున్నారట. అందుకే ఇది కచ్చితంగా ప్రాఫిటబుల్ వెంచర్ అని చెప్పొచ్చు. ప్రభాస్ మారుతి ఈ క్రేజీ కాంబోలో వస్తున్న రాజా సాబ్ రెబల్ ఫ్యాన్స్ ని సర్ ప్రైజ్ చేస్తుందని అంటున్నారు. ఈ సమ్మర్ కి ప్రభాస్ కల్కి వస్తుండగా ఇయర్ ఎండింగ్ కి రాజా సాబ్ ని దించాలని ప్లాన్ చేస్తున్నారు.