జగన్ ని పట్టుకుని అంత మాట అనేసిన బాబు !

ముఖ్యమంత్రి చంద్రబాబు వైసీపీ అధినేత జగన్ మీద తీవ్ర వ్యాఖ్యలు చేశారు. ఆయనను ఉద్దేశించి చేసిన ఈ హాట్ కామెంట్స్ ఏపీ రాజకీయాల్లో రచ్చ రేపేలా ఉన్నాయి. జగన్ నెత్తిన రూపాయి పెట్టి వేలం వేస్తే పైసాకు కూడా అమ్ముడుపోడు అంటూ బాబు పేల్చిన సెటైర్లు వైసీపీకి అగ్గి రాజేసేలా ఉన్నాయని అంటున్నారు.

ఆయన ఏమైనా చదువుకున్న వ్యక్తా పవన్ కళ్యాణ్ కంటే నా కంటే గొప్ప వ్యక్తా అని కూడా చంద్రబాబు ప్రశ్నించారు. ఏపీలో ఒకేరోజు నిర్వహిస్తున్న వేలాది గ్రామ సభలలో భాగంగా ముఖ్యమంత్రి చంద్రబాబు వానపల్లి గ్రామ సభలో పాల్గొన్నారు.

ఈ సందర్భంగా ఆయన జగన్ మీద తీవ్రంగానే విరుచుకుపడ్డారు. జగన్ ఏపీని సర్వనాశనం చేశారని విరుచుకుపడ్డారు. వైసీపీ పాలనలో అయిదేళ్ళూ గ్రామాలు అభివృద్ధిలో వెనకబడిపోయాయని అన్నారు. పోలవరం ప్రాజెక్టు విషయంలో కూడా వైసీపీ ప్రభుత్వం చేసింది ఏమీ లేదని అన్నారు. ఈ ప్రాజెక్టు వైసీపీ నిర్వాకం వల్ల డయాఫ్రం వాల్ దెబ్బ తినే పరిస్థితికి వచ్చిందని అన్నారు.

దాంతో కొత్తగా డయాఫ్రం వాల్ కట్టాల్సి ఉంది అని అన్నారు. అందుకోసం ఏకంగా వేయి కోట్ల రూపాయలు ఖర్చు అవుతుందని బాబు చెప్పారు. అయితే పోలవరానికి రక్షణగా ఈ డయాఫ్రం వాల్ నిర్మించి తీరాల్సిందే అని అన్నారు. లేకపోతే పోలవరానికి ఏమైనా ఇబ్బంది వస్తే గోదావరి జిల్లాలకే తీవ్ర ముప్పు వాటిల్లుతుందని ఆందోళన వ్యక్తం చేశారు.

మరో వైపు ఏపీలో తాము సంపదను సృష్టించి పేదలకు పంచుతామన్న మాటకు కట్టుబడి ఉన్నామని చంద్రబాబు మరోసారి స్పష్టం చేశారు. ఈ విషయంలో ఎక్కడా రాజీ పడే ప్రసక్తే లేదని అన్నారు. ఒక వైపు వైసీపీ అధినేత జగన్ సంక్షేమ పధకాలను చంద్రబాబు అమలు చేయడం లేదు అన్న దానికి బాబు ఇలా కౌంటర్ ఇచ్చారన్న మాట.

అంతే కాకుండా ఆయన మరిన్ని రాజకీయ విమర్శలు కూడా చేశారు. ఎవరికైనా పదవులు ఇవ్వాల్సింది ప్రజలు అన్నారు. అది అధికార పదవులు అయినా ప్రతిపక్ష హోదా అయినా అంటూ వైసీపీ మీద ఇండైరెక్ట్ గా సెటైర్లు పేల్చారు. వైసీపీ అసెంబ్లీలో ప్రతిపక్ష హోదా కోసం న్యాయ పోరాటం చేస్తున్న వేళ చంద్రబాబు ఈ రకమైన కామెంట్స్ చేయడం కూడా ప్రాధాన్యత సంతరించుకుంది.

అదే విధంగా వైసీపీ వల్ల ఏపీకి ఒరిగింది ఏమీ లేదని తమ పాలనను వైసీపీ పాలనను ప్రజలు బేరీజు వేసుకోవాలని కూడా చంద్రబాబు కోరడం విశేషం. ఇంకో వైపు చూస్తే చంద్రబాబు జగన్ మీద చేసిన వ్యాఖ్యలు రచ్చ రేపేలా ఉన్నాయని అంటున్నారు. అయిదేళ్ళ పాటు సీఎం గా పనిచేసిన నేతను పట్టుకుని నెత్తిన రూపాయి పెడితే పైసాకు అమ్ముడు పోడు అని జగన్ మీద చంద్రబాబు కామెంట్స్ చేయడం వైసీపీలో ఆగ్రహాన్ని పెంచుతోంది. జగన్ ఏమైనా చదువుకున్నారా మా కంటే గొప్పవారా అంటూ సెటైర్లు పేల్చడం పట్ల కూడా రచ్చ సాగుతోంది.

ఏపీలో ఎన్నికల తరువాత మరోసారి వాడి వేడి రాజకీయ సమరానికి బాబు వ్యాఖ్యలు తెర తీసేలా ఉన్నాయని అంటున్నారు. ఒకే రోజు జగన్ విశాఖలో చంద్రబాబు మీద విమర్శలు చేస్తే దానికి రెట్టింపు అన్నట్లుగా బాబు వానపల్లి సభలో ఇంతకి ఇంత ఇచ్చేశారు. దాంతో ఏపీలో టీడీపీ వర్సెస్ వైసీపీ అన్నట్లుగా మాటల యుద్ధానికి రంగం సిద్ధం అయినట్లుగానే ఉంది.