తెలంగాణా ఫలితాలు : ప్లాన్ ఏ ప్లాన్ బీతో బాబు సిద్ధం....?

తెలంగాణా రాజకీయాలు ఏపీని విపరీతంగా ప్రభావితం చేస్తాయా అంటే అవును అనే అంటున్నారు. 2018లో బీయారెస్ గెలిచి ఏపీలో వైసీపీ విజయానికి కొండంత అండగా నిలబడింది అని చెబుతారు. జగన్ సీఎం గా ప్రమాణానికి స్వయంగా కేసీయార్ హాజరై కూడా స్పెషల్ అట్రాక్షన్ అయ్యారు. ఇపుడు సీన్ రివర్స్ అవుతుందా అన్న చర్చ సాగుతోంది.

కాంగ్రెస్ కనుక గెలిస్తే ఏపీలో టీడీపీకి బూస్టింగ్ వస్తుంది అంటున్నారు. ఎందుకంటే రేవంత్ టీడీపీలో పదేళ్ళ పాటు పనిచేశారు. ఆయన చంద్రబాబుకు అత్యంత నమ్మకస్తుడు అయిన నేత. ఆయనకు అసలైన శిష్యుడు. అలాంటి రేవంత్ కాంగ్రెస్ సీఎం అయితే మొత్తంగా టీడీపీకి పండుగగా ఉంటుంది. అలా కాకుండా కాంగ్రెస్ గెలిచి ఆయన డిప్యూటీ సీఎం అయినా కూడా టీడీపీకి ప్లస్ గానే ఉంటుంది.

తెలంగాణాలో కాంగ్రెస్ గెలిస్తే బాబు ప్లాన్ ఏ ని అమలు చేయడానికి రెడీగా ఉంటారు అని అంటున్నారు. ప్లాన్ ఏ ఏంటి అంటే ఏపీలో కూడా కాంగ్రెస్ ని కలుపుకుని పోవడం. ఏపీలో ప్రస్తుతం టీడీపీ పొత్తు జనసేనతో ఉంది. రేపటి రోజున అలా ఉండదు కాంగ్రెస్ వచ్చి చేరుతుంది. ఏపీలో కాంగ్రెస్ కి బలం పెరుగుతుంది, పైగా బీజేపీ కంటే కాంగ్రెస్ కి జాతీయ స్థాయిలో విజయావకాశాలు పెరుగుతాయన్న అంచనాలతోనే బాబు ఇలా చేస్తారు అని అంటున్నారు.

దాంతో అయిదేళ్లు ఆలస్యం అయినా 2019 నాటి కాంగ్రెస్ దోస్తీ బీజేపీ కటీఫ్ ని కంటిన్యూ చేస్తారని అంటున్నారు. ఇక బీజేపీ ఊసు తలవరని అంటున్నారు. ఇక తెలంగాణాలో కాంగ్రెస్ అధికారంలోకి వస్తే టీడీపీకి సహాయంగా ఉంటుంది అని కూడా భావిస్తున్నారు. పొరుగు రాష్ట్రం, సంపన్న రాష్ట్రం కావడంతో పాటు అన్ని విధాలుగా టీడీపీ గెలిచేందుకు హెల్ప్ చేస్తారు అని తమ్ముళ్ళు అంచనా కడుతున్నారు. ఏపీలో ఉన్న రాజకీయ నేతలు అందరి వ్యాపారాలూ హైదరాబాద్ లోనే ఉన్నాయి.

వారంతా టీడీపీకి మద్దతు ఇచ్చేలా పరిస్థితి ఉంటుంది. అలాంటి వాతావరణ క్రియేట్ చేయడానికి అక్కడి కాంగ్రెస్ ప్రభుత్వం కూడా పనిచేస్తుంది అని అంటున్నారు. ఇదంతా జరగాలీ అంటే కాంగ్రెస్ తో టీడీపీ పొత్తు ఉండాల్సిందే. ఆ ప్రకటన కూడా చేస్తారు అని అంటున్నారు. అదే విధంగా ఏపీలో కాంగ్రెస్ కి ఎంపీ సీట్లు ఎక్కువగా ఇవ్వడంతో పాటు ఇండియా కూటమి బలోపేతానికి బాబు కూడా సీరియస్ గా పనిచేసేందుకు తెలంగాణాలో కాంగ్రెస్ గెలుపు దోహదపడుతుంది అని అంటున్నారు.

అదే బీయారెస్ గెలిస్తే మాత్రం ప్లాన్ బీ ఎటూ ఉంటుంది అని అంటున్నారు. అదేంటో తెలిసిందే. జనసేన టీడీపీ కూటమిలోకి బీజేపీని ఆహ్వానించడం. ఆ విధంగా ఏపీ వరకూ ముద్నుకు పోవడం జరుగుతుంది అని అంటున్నారు.