మహాలక్ష్మీ హత్యకేసులో కీలక పరిణామం... వీడుతున్న మిస్టరీ!
బెంగళూరులో మహాలక్ష్మీ (29) అనే మహిళ దారుణ హత్యకు గురైన ఘటన తీవ్ర సంచలనం సృష్టించింది.
బెంగళూరులో మహాలక్ష్మీ (29) అనే మహిళ దారుణ హత్యకు గురైన ఘటన తీవ్ర సంచలనం సృష్టించింది. మహాలక్ష్మీని ముక్కలు ముక్కలుగా నరికి గదిలోని రిఫ్రిజిరేటర్ లో పెట్టడంతో అది కాస్తా దుర్వాసన వెదజల్లింది. ఈ సమయంలో మహాలక్ష్మీని సుమారు 31 ముక్కలుగా నరికినట్లు చెబుతున్నారు. ఈ సమయంలో ఈ హత్యకేసులో కీలక పరిణామం చోటు చేసుకుంది.
అవును... మహాలక్ష్మీ అనే మహిలను దారుణంగా హత్య చేసి రిఫ్రిజిరేటర్ లో పెట్టారు. ఈ సమయంలో దుర్వాసన రావడంతో ఇంటి యజమాని బంధువులను పిలిచి గది తలుపులు ఓపెన్ చేసి చూశారు. ఈ సమయంలో ఫ్రిజ్ లో ఈ దారుణం వెలుగుచూసింది. ఇందులో భాగంగా... మహాలక్ష్మీ ముక్కలు ముక్కలుగా కనిపించింది. ఈ సమయంలో బాధిత కుటుంబం పోలీసులకు ఫిర్యాదు చేసింది.
ఈ నేపథ్యంలో దర్యాప్తు ప్రారంభించిన పోలీసులు తాజాగా ప్రధాన నిందితుడిని గుర్తించినట్లు చెబుతున్నారు. ఈ మేరకు బెంగళూరు పోలీస్ కమీషనర్ దయానంద్ స్పందిస్తూ... ఈ కేసును అన్ని కోణాల్లోనూ దర్యాప్తు చేస్తున్నట్లు వెల్లడించారు. ప్రస్తుతానికి ప్రధాన నిందితుడికి సంబంధించిన వివరాలు వెల్లడించలేమని.. దర్యాప్తుకు ఆటంకం కలగకుండా ఈ నిర్ణయం తీసుకున్నట్లు తెలిపారు.
కాగా మహాలక్ష్మీ... మళ్లేశ్వరంలోని ఓ మాల్ లో పనిచేస్తోంది. భర్తకు దూరంగా ఉంటూ జీవిస్తోంది. ఈ సమయంలో ఓ వ్యక్తి ఆమెను రోజూ పికప్ చేసుకుని, డ్రాప్ చేస్తున్నట్లు స్థానికులు చెబుతున్నారు. దీంతో... అతడికీ, ఈ హత్యకూ సంబందం ఉండొచ్చని భావిస్తున్నారు. మరోపక్క.. విషయం తెలుసుకున్న ఆమె భర్త సంఘటనాస్థలికి చేరుకున్నారు.
ఈ సమయంలో డాగ్ స్క్వాడ్, ఫోరెన్సిక్ నిపుణులతో పాటు ఘటనా స్థలానికి చేరుకున్న పోలీసులు దర్యాప్తు ప్రారంభించారు. సంఘటనాస్థలి నుంచి బాధితురాలి మొబైల్ ఫోన్ ను పోలీసులు స్వాధీనం చేసుకున్నారు. ఈ సమయంలో ఆమె కాల్ రికార్డులు, వాట్సప్ ఛాట్ లను సమీక్షిస్తున్నారు. తదుపరి అనాలసిస్ కోసం ఫోరెన్సిక్ ల్యాబ్ కు పంపారని అంటున్నారు!
ఇక ఈ హత్యపై జాతీయ మహిళా కమిషన్ (ఎన్.సీ.డబ్ల్యూ)వివరాలు సేకరించింది. ఈ సందర్భంగా నిందితులను వీలైనంత త్వరగా అరెస్టు చేయాలని ఆదేశించింది. ఇదే సమయంలో... కాలపరిమితితో కూడిన విచారణ జరిగేలా చూడాలని రాష్ట్ర పోలీసులను మహిళా కమిషన్ ఆదేశించింది. మూడు రోజుల్లో వివరణాత్మక నివేదిక అందించాలని సూచించింది.