ప్రజ్వల్ కేసులో ఊహించని ట్విస్ట్

మాజీ ప్రధాని దేవెగౌడ మనవడు హసన్ ఎంపీ ప్రజ్వల్ రేవణ్ణ సెక్స్ స్కాండల్ కేసు కర్ణాటకలో కలకలం రేపుతున్న విషయం అందరికీ తెలిసిందే. అయితే ఈ కేసులో ఒక ఊహించని ట్విస్ట్ ఇప్పుడు తెరమీదకు వచ్చింది. ప్రజ్వల్ రేవణ్ణ సెక్స్ బాగోతాల గురించి బీజేపీ పార్టీ అధిష్ఠానాన్ని తొలిసారిగా హెచ్చరించిన బీజేపీ నేత జి.దేవరాజె గౌడ ప్రస్తుతం లైంగిక వేధింపుల కేసులో చిక్కాడు. గతేడాది కర్ణాటకలో జరిగిన అసెంబ్లీ ఎన్నికల్లో దేవరాజె ప్రజ్వల్ తండ్రి హెడీ రేవణ్ణపై పోటీ చేసి ఓడిపోయాడు.

ఏప్రిల్ 1వ తేదీనే ఈ కేసు నమోదైనా కాస్త ఆలస్యంగా వెలుగులోకి వచ్చింది. తన ఆస్తి అమ్మేందుకు సాయం చేస్తానంటూ దేవరాజె గౌడ తనపై లైంగిక వేధింపులకు దిగాడని 36 ఏళ్ల మహిళ ఒకరు ఫిర్యాదు చేశారు. హసన్‌ జిల్లాకు చెందిన దేవరాజె గౌడ లాయర్. లోక్ సభ ఎన్నికల్లో ప్రజ్వల్ రేవణ్ణకు మద్దతివ్వొద్దంటూ బీజేపీని గతేడాదే ఆయన హెచ్చరించారు.

ప్రజ్వల్ రేవణ్ణ లైంగిక దౌర్జన్యాల వీడియోలు అనేకం తన వద్ద ఉన్నాయని, అవి బయటకు వస్తే బీజేపీ పార్టీకి నష్టం జరుగుతుందని దేవరాజె గౌడ హెచ్చరించారు. ప్రజ్వల్ వీడియోలు లీవకడానికి కారణం కాంగ్రెస్ పార్టీ అని కూడా ఆయన ఆరోపించారు. ఇది ఇలా ఉంటే ప్రజ్వల్ మీద లైంగిక దౌర్జన్యం కేసు పెట్టిన ఓ మహిళ పోలీసుల ముసుగులోని కొందరు తనను బెెదిరించి తప్పుడు కేసు పెట్టేలా చేశారని చెప్పడం మరో ట్విస్ట్.