అమెరికాలో దారుణం.. ముగ్గురు తెలుగు వ్యక్తులతోపాటు తమిళ వ్యక్తి!
కొల్లిన్‌ కౌంటీ షెరీఫ్‌ కార్యాలయం ప్రకారం.. ఒక ఎస్‌యూవీ కారులో ముగ్గురు తెలుగు వ్యక్తులు, ఒక తమిళ వ్యక్తి ప్రయాణిస్తున్నారు.
అమెరికాలో దారుణ విషాదం చోటు చేసుకుంది. టెక్సాస్‌ లోని అన్నా నార్త్‌ బౌండ్‌ లో జరిగిన ఒక ఘోర రోడ్డు ప్రమాదంలో ముగ్గురు తెలుగు వ్యక్తులతోపాటు ఒక తమిళ వ్యక్తి మృత్యువాత పడ్డారు. రోడ్డు ప్రమాదంలో వారు ప్రయాణిస్తున్న వాహనంలో అగ్ని కీలలు చెలరేగాయి. దీంతో నలుగురు మరణించారు.
కొల్లిన్‌ కౌంటీ షెరీఫ్‌ కార్యాలయం ప్రకారం.. ఒక ఎస్‌యూవీ కారులో ముగ్గురు తెలుగు వ్యక్తులు, ఒక తమిళ వ్యక్తి ప్రయాణిస్తున్నారు. ఈ క్రమంలో హైస్పీడ్‌ తో వస్తున్న ట్రక్కు వెనుక నుంచి ఎస్‌యూవీ కారును ఢీకొంది. దీంతో ఎస్‌యూవీలో మంటలు చెలరేగాయి. దీంతో అందులో ఉన్న ముగ్గురు తెలుగు వ్యక్తులు, ఒక వ్యక్తి తమిళ వ్యక్తి మృత్యువాత పడ్డారు.
వారిని కాపాడటానికి ప్రయత్నించినప్పటికీ ఆ ప్రమాదం నుంచి వారు తప్పుకోలేకపోయారు. దీంతో ఆ నలుగురు అగ్నికి ఆహుతయ్యారు.
ఈ ప్రమాదం రహదారి మొత్తాన్ని మూసివేసేందుకు దారితీసింది. హైస్పీడ్‌ వాహనం వెనుక నుంచి ఢీకొట్టడంతో ఐదు వాహనాలు చెల్లాచెదురయ్యాయి. రహదారిని మూసివేయడంతో ఆ రోడ్డుపై వస్తున్న ఇతర వాహనాలను వేరే దారిలోకి మళ్లించారు.
ప్రమాదం వివరాలను తెలుసుకున్న అన్నా పోలీస్‌ డిపార్ట్‌మెంట్, స్థానిక అగ్నిమాపక విభాగాలు సంఘటనా స్థలానికి చేరుకున్నాయి. మృతుల వివరాలను తెలుసుకోవడానికి ప్రయత్నిస్తున్నాయి. ఈ ఘటనపై కేసు నమోదు చేసి దర్యాప్తు పోలీసులు దర్యాప్తు చేస్తున్నారు. కాగా ఈ ప్రమాదానికి సంబంధించిన దృశ్యాలు భీతావహంగా ఉన్నాయి.
ప్రమాదంలో నలుగురు మరణించగా మరికొందరు గాయపడ్డారు. బాధితుల వివరాలు ఇంకా వెల్లడి కాలేదు. పోలీసులు మృతుల వివరాలు తెలుసుకోవడానికి ఆరా తీస్తున్నారు. కాగా ఈ దారుణ ఘటన పట్ల తెలుగు సంఘాలు, తమిళ సంఘాలు తీవ్ర విషాదంలో ఉన్నాయి.