ట్రెడిషనల్ గానే హీటేక్కిస్తున్న అనన్యా

బాలీవుడ్ లోనే హీరోయిన్ గా తనదైన శైలిలో దూసుకుపోతున్న అందాల భామ అనన్యా పాండే. ఈ బ్యూటీ స్టూడెంట్ ఆఫ్ ది ఇయర్ 2 మూవీతో హిందీ పరిశ్రమలోకి అడుగుపెట్టింది. ఆ తరువాత వెనక్కి తిరిగి చూసుకునే ఛాన్స్ లేకుండా వరుసగా అవకాశాలు అందుకుంటుంది. కరణ్ జోహార్ లాంటి స్టార్ ప్రొడ్యూసర్ బ్యాక్ అప్, సెలబ్రెటీ వారసత్వం అనన్యా పాండేకి అవకాశాలు వచ్చేలా చేస్తున్నాయి.

గత ఏడాది లైగర్ సినిమాతో టాలీవుడ్ లోకి కూడా ఈ బ్యూటీ అడుగుపెట్టింది. అయితే మూవీ డిజాస్టర్ అయ్యింది. రీసెంట్ గా డ్రీమ్ గర్ల్ 2 మూవీతో ప్రేక్షకుల ముందుకి వచ్చింది. ఈ మూవీకి థియేటర్స్ లో పాజిటివ్ టాక్ వచ్చినట్లు తెలుస్తోంది. అయితే గద్దర్ 2 వేవ్ లో డ్రీమ్ గర్ల్ 2 సౌండ్ పెద్దగా వినిపించలేదు. ఈ సినిమాలో ఆయుష్మాన్ ఖురానాకి జోడీగా అనన్యా పాండే నటించింది.

ఈ బ్యూటీ నటించిన మరో రెండు సినిమాలు పోస్ట్ ప్రొడక్షన్ దశలో ఉన్నాయి. వీటిపైనా కూడా అనన్యా పాండే చాలా హోప్స్ పెట్టుకుంది. డ్రీమ్ గర్ల్ 2 సక్సెస్ తో ఈ అమ్మడు ఇమేజ్ కూడా పెరిగిందని చెప్పొచ్చు. ఇదిలా ఉంటే అనన్యా పాండేకి సోషల్ మీడియాలో మంచి ఫ్యాన్ ఫాలోయింగ్ ఉంది. ఏకంగా 24.6 మిలియన్స్ మంది ఈమెని ఫాలో అవుతున్నారు.

రెగ్యులర్ గా అనన్యా పాండే ఇన్ స్టాగ్రామ్ లో తనకి సంబంధించిన ప్రతి అప్డేట్ షేర్ చేసుకుంటూ ఉంటుంది. తాజాగా ట్రెడిషనల్ కాస్ట్యూమ్స్ లో ఉన్న ఫోటోలని అనన్యా పాండే ఇన్ స్టాగ్రామ్ లో షేర్ చేసింది. ఈ ట్రెడిషనల్ డ్రెస్ లో కూడా కుర్రాళ్ళకి హీట్ పుట్టించే ఫోజులుతో అనన్యా పాండే అదరగొట్టింది. ఈ ఫోటోలని 3 లక్షల మందికి పైగా లైక్ చేయడం విశేషం.

డ్రీమ్ గర్ల్ 2 సినిమాలోని స్టిల్స్ అని ఈ ఫోటోలకి పెట్టిన పోస్ట్ తో క్లారిటీ వచ్చింది. ఫోటోలని జత చేయడంతో పాటుగా పారి క్యారెక్టర్ ని ఆశ్వాదించడానికి ఇప్పుడే థియేటర్స్ కి వెళ్లి డ్రీమ్ గర్ల్ 2 మూవీ చూడండి అంటూ అనన్యా పాండే కామెంట్ పెట్టింది.