పిక్‌ టాక్ : నమ్రత మేడం ఇంకా మిస్ ఇండియానే..!
సూపర్ స్టార్ మహేష్ బాబు భార్య నమ్రత శిరోద్కర్‌ 1993లో మిస్ ఇండియా గా ఎంపికైన విషయం తెలిసిందే.
సూపర్ స్టార్ మహేష్ బాబు భార్య నమ్రత శిరోద్కర్‌ 1993లో మిస్ ఇండియా గా ఎంపికైన విషయం తెలిసిందే. హీరోయిన్ గా ఎన్నో హిందీ మరియు తెలుగు సినిమాల్లో నటించి మెప్పించిన నమ్రత మహేష్ బాబును 2005లో పెళ్లి చేసుకున్న తర్వాత సినిమాలకు పూర్తిగా దూరమైంది.
తెలుగు, హిందీ, కన్నడ, మలయాళం సినిమాల్లో నటించి నటిగా తనకంటూ ప్రత్యేక గుర్తింపును దక్కించుకున్న నమ్రత పెళ్లి పిల్లల తర్వాత మళ్లీ నటించాలని ఆమె అభిమానులు కోరుకుంటున్నారు. కానీ నమ్రత మాత్రం పూర్తిగా ఫ్యామిలీకి సమయాన్ని కేటాయించింది.
మహేష్ బాబు డేట్స్ తో పాటు ఆయన వ్యాపార విషయాలను నమ్రత చూసుకుంటారని టాక్. ఎంత బిజీగా ఉన్నా కూడా నమ్రత మాజీ మిస్ ఇండియా అవ్వడం వల్ల ఏమో కానీ చాలా అందంగా కనిపిస్తూనే ఉంటారు. తాజాగా కొత్త ఫోటో షూట్ లో కూడా నమ్రత చాలా అందంగా కనిపిస్తున్నారు.
వైట్ డ్రెస్ లో నమ్రత చాలా రాయల్ లుక్ లో కనిపిస్తున్నారంటూ నెటిజన్స్ కామెంట్స్ చేస్తున్నారు. ఎంతైనా మాజీ మిస్ ఇండియా కదా అంటూ నమ్రత అందాలకు నెటిజన్స్ ఫిదా అవుతున్నారు.
మహేష్ బాబుకు జోడిగా ఇంతకు ముందు చాలా మంది హీరోయిన్స్ నటించారు వారితో పోలిస్తే నమ్రత అందం ఎక్కువ అన్నట్లుగా కొందరు ఫ్యాన్స్ కామెంట్స్ చేస్తున్నారు. హీరోయిన్ గా కాకుండా మహేష్ బాబు సినిమాలో ఏదో ఒక పాత్రను నమ్రత చేస్తే బాగుండు అని చాలా మంది అభిమానులు కోరుకుంటున్నారు. మరి అది సాధ్యమయ్యేనా చూడాలి. ఆ మధ్య నమ్రత రీ ఎంట్రీ ఇవ్వబోతుందని ప్రచారం జోరుగా సాగింది. కానీ ఆ వార్తల్లో నిజం లేదని తేలిపోయింది.