ఏపీ సీఎంగా జగన్ ప్ర‌మాణ స్వీకారం చేసిన‌ప్ప‌టి నుంచి ఆంధ్ర‌ప్ర‌దేశ్‌ లో జ‌రుగుతున్న ప‌రిణామాలు ఇరు తెలుగు రాష్ట్రాల‌తో పాటు దేశ‌వ్యాప్తంగా చ‌ర్చ‌నీయాంశ‌మ‌య్యాయి. గ‌త టీడీపీ ప్ర‌భుత్వంపై జగన్ క‌క్ష సాధిస్తున్నార‌ని, ఈ క్ర‌మంలోనే చంద్ర‌బాబు హ‌యాంలో తీసుకున్న నిర్ణయాలను జగన్ తీవ్రంగా వ్య‌తిరేకిస్తున్నార‌ని తీవ్ర విమ‌ర్శ‌లు వెల్లువెత్తుతున్నాయి. కోట్లు ఖ‌ర్చుపెట్టి నిర్మించిన ప్ర‌జా వేదిక కూల్చివేత మొద‌లు.....సీఆర్డీఏ ర‌ద్దు వ‌ర‌కు ప‌లు వివాదాస్ప‌ద నిర్ణయాలను జగన్ తీసుకున్నార‌ని విమ‌ర్శ‌లు వ‌స్తున్నాయి. ఈ క్ర‌మంలోనే తాజాగా జగన్ స‌ర్కార్ మరో సంచ‌ల‌న నిర్ణయం తీసుకుంది. అమరావతి నగర పరిధి నుంచి ఉండవల్లి - పెనుమాక - ఎర్రబాలెం - నవులూరు - బేతపూడి గ్రామాలను తొలగిస్తూ ఉత్తర్వులు జారీ చేసింది.
అమరావతి నగర పరిధి నుంచి ఐదు గ్రామాలను తొలగిస్తూ ఏపీ స‌ర్కార్ సంచ‌ల‌న నిర్ణయం తీసుకుంది. తాడేపల్లి - మంగళగిరి పురపాలక సంఘాల్లో ఆ ఐదు గ్రామాలను విలీనం చేస్తున్నట్టు ఉత్తర్వుల్లో పేర్కొంది. ఇప్ప‌టికే అమరావతి నుంచి రాజధాని త‌ర‌లింపు - సీఆర్డీఏ ర‌ద్దు నిర్ణ‌యాల‌తో ప్ర‌భుత్వంపై ఆ ప్రాంత ప్ర‌జ‌లు మండిప‌డుతున్నారు. తాజాగా కుట్రపూరితంగానే రాజధాని నగర పరిధి నుంచి తమ గ్రామాలను తొలగించారని ఆయా గ్రామాల ప్ర‌జ‌లు ఆరోపిస్తున్నారు. రాజధాని తరలింపును వ్యతిరేకిస్తూ రెండు నెలలుగా తాము ఆందోళన చేస్తున్నామ‌ని - అందుకే ప్రభుత్వం ఈ నిర్ణయం తీసుకుందని వారు ఆగ్ర‌హం వ్య‌క్తం చేస్తున్నారు. ప్రభుత్వ నిర్ణయాన్ని కోర్టులో సవాల్ చేయ‌బోతున్నామ‌ని అన్నారు.
మ‌రోవైపు, రాజధాని అమరావతిని తరలించవద్దంటూ వెలగపూడిలో ఇద్దరు యువకులు చేపట్టిన 151 గంటల నిరవధిక నిరాహార దీక్ష కొనసాగుతోంది. రవి - శ్రీకర్ ల నిరాహారదీక్ష నాల్గో రోజుకు చేరింది. వైసీపీ ఎమ్మెల్యేలు 151 మందికి బుద్ధి రావాలని - తమ గురించి ఆలోచిస్తారని కోరుకుంటూ ఒక్కో ఎమ్మెల్యేకు ఒక్కొక్క గంట చొప్పున కేటాయిస్తూ 151 గంటల నిరాహారదీక్షకు దిగామని అంటున్నారు. ‘మూడు రాజధానులు’ అనేది ప్రపంచంలోనే ఎక్కడా లేని కాన్సెప్ట్ అని విమర్శించారు.
అమరావతి నగర పరిధి నుంచి ఐదు గ్రామాలను తొలగిస్తూ ఏపీ స‌ర్కార్ సంచ‌ల‌న నిర్ణయం తీసుకుంది. తాడేపల్లి - మంగళగిరి పురపాలక సంఘాల్లో ఆ ఐదు గ్రామాలను విలీనం చేస్తున్నట్టు ఉత్తర్వుల్లో పేర్కొంది. ఇప్ప‌టికే అమరావతి నుంచి రాజధాని త‌ర‌లింపు - సీఆర్డీఏ ర‌ద్దు నిర్ణ‌యాల‌తో ప్ర‌భుత్వంపై ఆ ప్రాంత ప్ర‌జ‌లు మండిప‌డుతున్నారు. తాజాగా కుట్రపూరితంగానే రాజధాని నగర పరిధి నుంచి తమ గ్రామాలను తొలగించారని ఆయా గ్రామాల ప్ర‌జ‌లు ఆరోపిస్తున్నారు. రాజధాని తరలింపును వ్యతిరేకిస్తూ రెండు నెలలుగా తాము ఆందోళన చేస్తున్నామ‌ని - అందుకే ప్రభుత్వం ఈ నిర్ణయం తీసుకుందని వారు ఆగ్ర‌హం వ్య‌క్తం చేస్తున్నారు. ప్రభుత్వ నిర్ణయాన్ని కోర్టులో సవాల్ చేయ‌బోతున్నామ‌ని అన్నారు.
మ‌రోవైపు, రాజధాని అమరావతిని తరలించవద్దంటూ వెలగపూడిలో ఇద్దరు యువకులు చేపట్టిన 151 గంటల నిరవధిక నిరాహార దీక్ష కొనసాగుతోంది. రవి - శ్రీకర్ ల నిరాహారదీక్ష నాల్గో రోజుకు చేరింది. వైసీపీ ఎమ్మెల్యేలు 151 మందికి బుద్ధి రావాలని - తమ గురించి ఆలోచిస్తారని కోరుకుంటూ ఒక్కో ఎమ్మెల్యేకు ఒక్కొక్క గంట చొప్పున కేటాయిస్తూ 151 గంటల నిరాహారదీక్షకు దిగామని అంటున్నారు. ‘మూడు రాజధానులు’ అనేది ప్రపంచంలోనే ఎక్కడా లేని కాన్సెప్ట్ అని విమర్శించారు.