ఐపీఎల్​ కు రవిచంద్రన్​ గుడ్​బై.. కారణం ‘కరోనా’

టీమిండియా స్పిన్నర్​, ఢిల్లీ క్యాపిటల్స్  తరఫున ఆడుతున్న రవిచంద్రన్​ అశ్విన్​ ఐపీఎల్​ కు తాత్కాలిక విరామం ప్రకటించాడు. ఇటీవల రవిచంద్రన్​ కుటుంబసభ్యులు కరోనా బారిన పడ్డారు. దీంతో అతడు ఐపీఎల్​ కు కొంతకాలంపాటూ దూరమవుతున్నట్టు ప్రకటించాడు. ’ప్రస్తుతం నా కుటుంబసభ్యులను చూసుకోవాల్సిన బాధ్యత నా మీద ఉంది. అందుకే కొంతకాలం విరామం ఇవ్వాలని నిర్ణయించుకున్నాను’ అంటూ రవిచంద్రన్​ ప్రకటించాడు.

రవిచంద్రన్​ నిర్ణయాన్ని ఢిల్లీ క్యాపిటల్స్​ యాజమాన్యం స్వాగతించింది. అతడి కుటుంబసభ్యులు తొందరగా కరోనా నుంచి కోలుకోవాలని ఆశిస్తున్నట్టు ఢిల్లీ క్యాపిటల్స్​ పేర్కొన్నది.నిన్న ఢిల్లీ క్యాపిటల్స్​ జట్టు.. సన్​రైజర్స్​ హైదరాబాద్​ తో తలపడ్డ విషయం తెలిసిందే. ఈ మ్యాచ్ టై అయ్యింది. చివరకు సూపర్​ ఓవర్​ లో ఢిల్లీ క్యాపిటల్స్​ విజయం సాధించింది. ఈ మ్యాచ్​ అనంతరం రవిచంద్రన్​ అశ్విన్​ ఐపీఎల్​ కు తాత్కాలిక విరామం ప్రకటించాడు.

 ప్రస్తుతం ఢిల్లీ క్యాపిటల్స్​ కు రవిచంద్రన్​ కీలక బౌలర్​ గా ఉన్నాడు. కీలక సమయాల్లో వికెట్లు తీస్తూ జట్టును ఆదుకుంటున్నాడు.ఇదిలా ఉంటే అతడి నిష్క్రమణతో ఢిల్లీ ఫ్యాన్స్​ కొంత నిరాశ చెందారని చెప్పక తప్పదు. అశ్విన్ అంతర్జాతీయ స్థాయి ఆటగాడు. ఇప్పటివరకు 409 టెస్ట్ వికెట్లు తీశాడు. టీమిండియా జట్టుకు కూడా కీలక సమయాల్లో వికెట్లు తీశాడు. అయితే ప్రస్తుతం రవిచంద్రన్​ అశ్విన్​ నిష్క్రమణ ఢిల్లీ క్యాపిటల్స్ కు లోటని చెప్పాలి. గత ఏడాది ఫైనల్​ వరకు వెళ్లిన ఢిల్లీ క్యాపిటల్స్​ ఈ సారి కూడా మెరుగైన ప్రదర్శన ఇస్తోంది.

కెప్టెన్ శ్రేయస్​ అయ్యర్​.. గాయం కారణంగా జట్టు నుంచి వైదొలిగాడు. ప్రస్తుతం రిషబ్​ పంత్​ కెప్టెన్​ గా వ్యవహరిస్తున్నాడు. శిఖర్​ ధవన్​, పృథ్వీ షా మంచి ఫామ్​లో ఉన్నారు. శిఖర్​ ధవన్​ ప్రస్తుతం ఆరెంజ్​ క్యాప్​ రేసులో టాప్ లో దూసుకుపోతున్నాడు. ఈ ఐపీఎల్​ లో ఇప్పటివరకు శిఖరే అత్యధిక పరుగులు చేశాడు. మరోవైపు పంత్​ కూడా అద్భుతంగా రాణిస్తున్నాడు.