బాల‌య్య కామెంట్ః ప్ర‌తిప‌క్షాలు న‌ర‌కాసురులు

సినీ హీరో - టీడీపీ ఎమ్మెల్యే నంద‌మూరి బాల‌కృష్ణ సంచ‌ల‌మైన రాజ‌కీయ కామెంట్లు చేశారు. దీపావ‌ళి సంద‌ర్భంగా జ‌రిగిన కార్య‌క్ర‌మంలో బాల‌కృష్ణ మాట్లాడుతూ న‌ర‌కాసురున్ని వ‌ధించిన శ్రీ‌కృష్ణుడు సర్వ‌మాన‌వాళికి మేలు చేశాడ‌ని కీర్తించారు. అయితే పురాణాల్లో నాటి ప‌రిస్థితులే నేటికి ఉన్నాయ‌ని పేర్కొంటూ రాష్ట్రంలో ప్ర‌తిప‌క్షాలు అలాగే మారాయ‌ని బాల‌కృష్ణ మండిప‌డ్డారు. ప్ర‌తి అభివృద్ధికి ప‌నికి అడ్డం ప‌డ‌టం - విమ‌ర్శ‌లు చేయ‌డ‌మే ప‌నిగా పెట్టుకోవ‌డం ద్వారా న‌ర‌కాసురునితో స‌మానంగా విపక్షాలు మారిపోయాయ‌ని బాల‌కృష్ణ మండిప‌డ్డారు. అలాంటి శ‌క్తుల‌ను దూరం పెట్టాల‌ని బాల‌య్య పిలుపునిచ్చారు.

ఇదిలాఉండ‌గా బాల‌కృష్ణ బావ‌ - ఏపీ ముఖ్య‌మంత్రి నారా చంద్ర‌బాబు నాయుడు సైతం ఇదే తర‌హా కామెంట్లు చేశారు. విజ‌య‌వాడ‌లో జ‌రిగిన కార్య‌క్ర‌మంలో చంద్ర‌బాబు నాయుడు మాట్లాడుతూ కులాలు - ప్రాంతాల పేరుతో రెచ్చ‌గొట్టే న‌ర‌కాసురులు ఇంకా ఉన్నార‌ని....అలాంటి వారి విష‌యంలో జాగ్రత్త వ‌హించాల‌ని అన్నారు. అభివృద్ధికి అడ్డం ప‌డే ప్ర‌తిప‌క్షాల విష‌యంలో ప్ర‌జ‌లు జాగ‌రుక‌త‌తో ఉండాల‌ని బాబు కోరారు.

Like Us on Facebook : https://www.facebook.com/Tupakidotcom/