చంద్రబాబుపై దేవినేని సంచలన వ్యాఖ్యలు

ఇటీవలే తెలుగు దేశం పార్టికి గుడ్ బై చెప్పి వైసీపీలో చేరిన యువ నాయకుడు దేవినేని అవినాష్ బాంబు పేల్చారు. చంద్రబాబు మోసంపై సంచలన వ్యాఖ్యలు చేశారు. దేవినేని చేసిన తీవ్ర వ్యాఖ్యలు ఇప్పుడు ఏపీ పాలిటిక్స్ లో కలకలం రేపుతున్నాయి.

చంద్రబాబు నాయుడు చేసిన మోసంపై వైసీపీ నేత పార్థసారథి తనకు సంచలన నిజాలు చెప్పారని.. చంద్రబాబు నైజం ఇదీ అని చెప్పినా తాను పట్టించుకోలేదని దేవినేని అవినాష్ చెప్పుకొచ్చారు. అయితే ఇప్పుడు పార్టీనుంచి బయటకు వచ్చాక చంద్రబాబు నాయుడిదీ మొదటి నుంచి మోసం చేసే స్వభావం అని తెలుసుకున్నానని తెలిపారు.

పార్టీ కోసం ఎంతో పనిచేసినా చంద్రబాబు మోసం చేసి తనను బలమైన కొడాలి నానిపై దించారని దేవినేని అవినాష్ వాపోయాడు. విజయవాడ తూర్పు నుంచి కాకుండా తనను గుడివాడ నుంచి బరిలోకి దించి తనను ఓడించాడని మండిపడ్డారు.  కానీ నాని మాత్రం తనను వైసీపీలో చేరికకు చాలా సహకరించారని పేర్కొన్నారు.

చంద్రబాబును టీడీపీ నేతలు, కార్యకర్తలే నిలదీస్తున్నారని.. చాలామంది చంద్రబాబు తీరుపై తీవ్ర అసహనంతో ఉన్నారని దేవినేని హాట్ కామెంట్స్ చేశారు.  బాబు తీసుకుంటున్న తప్పుడు నిర్ణయాలే పార్టీని భ్రష్టు పట్టిస్తాయని పేర్కొన్నారు.