ధోనీని ఇలా ఎప్పుడైనా చూశారా?

‘మ‌హేంద్ర సింగ్ ధోనీ..’  తనదైన బ్యాటింగ్ తో ప్రత్యర్థులకు చుక్కలు చూపించే ఈ జార్ఖండ్ డైన‌మైట్‌.. స్టైల్ విష‌యంలోనూ అంద‌రిక‌న్నా భిన్నంగా ఉంటాడు. అప్ప‌టి వ‌ర‌కూ ప్రేక్ష‌కుల‌కు పెద్ద‌గా తెలియ‌ని ధోనీ పేరు.. 2005లో పాకిస్థాన్ పై చేసి హీరోచిత సెంచ‌రీతో టాక్ ఆఫ్ ది కంట్రీ అయ్యాడు. ఆ సెంచ‌రీతో ఎంత‌గా గుర్తింపు తెచ్చుకున్నాడో.. త‌న జుల‌పాల జుట్టుతో అంత‌క‌న్నా ఫేమ‌స్ అయ్యాడు.

ఇండియ‌న్ క్రికెట్ టీమ్ లో నెవ్వ‌ర్ బిఫోర్ అనిపించేలా ధోనీ పెంచిన జుల‌పాలకు ఎంతో మంది ఫ్యాన్స్ ఉన్నారు. చివ‌ర‌కు పాకిస్థాన్ మాజీ అధ్య‌క్షుడు ప‌ర్వేజ్ ముషార‌ఫ్ కూడా.. స్వ‌యంగా ధోనీతో ఈ మాట అన్నారు. నీ ఆట‌తోపాటు హెయిర్ స్టైల్ కూడా సూప‌ర్ అంటూ కితాబిచ్చారు. ఆ విధంగా కొన్నాళ్ల‌పాటు లాంగ్ హెయిర్ ను కంటిన్యూ చేసిన ధోనీ.. ఉన్న‌ట్టుండి రెగ్యుల‌ర్ మోడ్ లోకి మారిపోయాడు.

ధోనీ ఇలా మారిపోవ‌డంతో ప‌లువురు ఫ్యాన్స్ కూడా నిరాశ‌కు గురయ్యారు. ధోనీని ఇలా చూడ‌లేక‌పోతున్నామ‌ని అన్నారు. త‌న వైఫ్ కోరిక మేర‌కు ఇలా మారిపోయిన‌ట్టు చెప్ప‌డంతో.. అంద‌రూ సైలెంట్ అయ్యారు. అప్ప‌టి నుంచి ఇదే హెయిర్ స్టైల్ ను కంటిన్యూ చేస్తున్న మ‌హీ.. లేటెస్ట్ గా కోర‌ మీసాల‌తో ద‌ర్శ‌న‌మిచ్చాడు.

త‌న కూతురితో క‌లిసి హాలిడే డెస్టినేష‌న్లో ఫొటోకు ఫోజిచ్చాడు. ఇప్పుడు ఈ పిక్ సోష‌ల్ మీడియాలో వైర‌ల్ అవుతోంది. కోర మీసాల‌తో సింహంలా ఉన్నాడంటూ ఫ్యాన్స్‌ కామెంట్ చేస్తున్నారు. మొన్న‌టికి మొన్న రాంచీలో గుర్రంతో ప‌రుగు పందెం పెట్టుకున్న వీడియోతో అల‌రించిన ధోనీ.. ఇప్పుడు స్టైలిష్ లుక్ లో ఆక‌ట్టుకుంటున్నాడు.

మొత్తానికి.. క్రికెట‌ర్ల బ్యాటింగ్ కు మాత్ర‌మే కాదు.. వారి స్టైల్ కు కూడా ఫ్యాన్స్ ఉంటార‌నే విష‌యం మ‌రోసారి ప్రూవ్ అయ్యింది. ఇలాంటి వారికి యూత్ లో మంచి ఫాలోయింగ్ కూడా ఉంది. ధోనీ అటు ఆట‌తో, ఇటు స్టైల్ తో అభిమానుల‌ను అల‌రిస్తున్నాడు. త్వ‌ర‌లో దుబాయ్ వేదిక‌గా ప్రారంభం కాబోతున్న ఐపీఎల్ లో ఎలాంటి ప్ర‌ద‌ర్శ‌న ఇవ్వ‌నున్నాడో చూడాలి.