ఒబామా, హిల్లరీలకు ట్రంప్ న్యూ ఇయర్ విషెస్

ఊరికే ఉండకుండా కవ్వించి కయ్యానికి పిలిచే డొనాల్డ్ ట్రంప్ కొత్త సంవత్సరం సందర్భాంగానూ తన ప్రత్యర్ధులను కవ్వించారు.  పుండు మీద కారం చల్లినట్లుగా హిల్లరీకి పరోక్షంగా శుభాకాంక్షలు తెలిపారు. కొత్త సంవత్సరం సందర్భంగా ఆయన శుభాకాంక్షలు చెప్పిన విధానం మరోసారి వివాదంగా మారుతోంది.
    
అమెరికా కొత్త అధ్యక్షుడు డొనాల్డ్ ట్రంప్ కొత్త సంవత్సరం సందర్భంగా తన శత్రువులకు కూడా శుభాకాంక్షలు తెలిపారు. "నాకున్న ఎంతోమంది శత్రువులకు - నాపై పోరాడి ఘోరంగా ఓడిపోయి, ఏం చేయాలో తెలియని స్థితిలో ఉన్న వారితో సహా అందరికీ హ్యాపీ న్యూ ఇయర్... ప్రేమతో" అని ట్వీట్ చేశారు. కాగా, గత నవంబరులో జరిగిన అమెరికా అధ్యక్ష ఎన్నికల్లో పరీశీలకులకు, ప్రపంచ దేశాలకు షాకిస్తూ, డెమోక్రాట్ల అభ్యర్థిని హిల్లరీ క్లింటన్ పై ట్రంప్ విజయం సాధించిన సంగతి తెలిసిందే. అమెరికాకు 45వ అధ్యక్షునిగా ఈ నెల 20న ఆయన ప్రమాణ స్వీకారం చేయనున్నారు.
    
నాతో ఓడిపోయిన వారికి, శత్రువులకు అనడంలో ఆయన ఉద్దేశాలు స్పష్టంగా తెలుస్తున్నాయని... హిల్లరీ, ఒబామాలను కవ్విస్తూ ఆయన ఆ వ్యాఖ్యలు చేశారని అంటున్నారు.

Like Us on Facebook : https://www.facebook.com/Tupakidotcom/