2019 సాధారణ ఎన్నికల బ‌రిలో దిగే స‌మ‌యంలో ప్ర‌స్తుత ప్రధానమంత్రి నరేంద్రమోదీ స్థానంలో బీజేపీ సీనియ‌ర్ నేత - పార్టీ మాజీ అధ్య‌క్షుడు నితిన్ గడ్కరీని ప్రధాని అభ్యర్థిగా ప్రకటించాలని మహారాష్ట్రలోని ఓ ప్రభుత్వ సంస్థ రాష్ట్రీయ స్వయం సేవక్ సంఘ్ కు లేఖ రాసినట్లు కథనాలు వస్తున్నాయి. 2019 లోక్ సభ ఎన్నికల్లో భారతీయ జనతా పార్టీ విజయం సాధించాలంటే తప్పనిసరిగా నితిన్ గడ్కరీని ప్రధాని అభ్యర్థిగా ప్రకటించాలని ఆ సంస్థ డిమాండ్ చేసింది. ఈ కథనాలపై నితిన్ గడ్కరీ స్పందిస్తూ.. తాను ప్రధానమంత్రి అయ్యే ఛాన్సే లేదని స్పష్టం చేశారు.
ప్రస్తుతమున్న పదవితో తాను సంతోషంగా ఉన్నానని కేంద్ర రోడ్డు రవాణా శాఖ మంత్రి అయిన నితిన్ గడ్కరీ ఆయన తేల్చిచెప్పారు. గంగా ప్రక్షాళన చేయడం - ఎక్స్ ప్రెస్ హైవేలు నిర్మించడం - చార్ ధామ్ కోసం రోడ్డు మార్గం నిర్మించడంతో పాటు పలు పనులు చేయాల్సి ఉందన్నారు గడ్కరీ. ఈ పనులతో తాను సంతోషంగా ఉన్నానని.. ఇతర పనులు పూర్తి చేయాల్సి ఉందని గడ్కరీ స్పష్టం చేశారు. రోడ్డు - రైల్వే - విమానయాన రంగంలో ఈశాన్య రాష్ర్టాల్లో గడిచిన నాలుగున్నరేండ్లలో చాలా అభివృద్ధి చేశామన్నారు. రూ. 2.50 లక్షల కోట్ల అభివృద్ధి పనులు జరుగుతున్నాయని తెలిపారు. అభివృద్ధి పనులు పూర్తయితే.. ఈశాన్య రాష్ర్టాల ముఖచిత్రం మారిపోతోందని నితిన్ గడ్కరీ పేర్కొన్నారు.
ప్రస్తుతమున్న పదవితో తాను సంతోషంగా ఉన్నానని కేంద్ర రోడ్డు రవాణా శాఖ మంత్రి అయిన నితిన్ గడ్కరీ ఆయన తేల్చిచెప్పారు. గంగా ప్రక్షాళన చేయడం - ఎక్స్ ప్రెస్ హైవేలు నిర్మించడం - చార్ ధామ్ కోసం రోడ్డు మార్గం నిర్మించడంతో పాటు పలు పనులు చేయాల్సి ఉందన్నారు గడ్కరీ. ఈ పనులతో తాను సంతోషంగా ఉన్నానని.. ఇతర పనులు పూర్తి చేయాల్సి ఉందని గడ్కరీ స్పష్టం చేశారు. రోడ్డు - రైల్వే - విమానయాన రంగంలో ఈశాన్య రాష్ర్టాల్లో గడిచిన నాలుగున్నరేండ్లలో చాలా అభివృద్ధి చేశామన్నారు. రూ. 2.50 లక్షల కోట్ల అభివృద్ధి పనులు జరుగుతున్నాయని తెలిపారు. అభివృద్ధి పనులు పూర్తయితే.. ఈశాన్య రాష్ర్టాల ముఖచిత్రం మారిపోతోందని నితిన్ గడ్కరీ పేర్కొన్నారు.