ఆ డైరీలో చంద్ర‌బాబు అవినీతి బాగోతం..?

2014లో అవ‌శేషాంధ్ర‌ప్ర‌దేశ్‌ సీఎంగా ప్ర‌మాణ స్వీకారం చేసిన చంద్ర‌బాబు త‌న అనుభ‌వంతో రాష్ట్రాన్ని అభివృద్ధి చేయ‌డానికి బ‌దులు అప్పుల్లోకి నెట్టార‌ని ఆరోప‌ణ‌లున్నాయి. టీడీపీ నేత‌ల అవినీతితో రాష్ట్రానికి ఈ దుస్థితి వ‌చ్చింద‌ని, చంద్ర‌బాబు హ‌యాంలో టీడీపీ నేత‌లు వేల కోట్ల రూపాయ‌ల అవినీతికి పాల్ప‌డ్డార‌ని విమ‌ర్శ‌లు వ‌చ్చాయి. ఇందుకు భిన్నంగా వైసీపీ ప్ర‌భుత్వం అధికారంలోకి వ‌చ్చిన త‌ర్వాత అవినీతిపై ఉక్కుపాదం మోపింది. ఈ క్ర‌మంలోనే చంద్ర‌బాబు మాజీ పీఎస్ శ్రీ‌నివాస‌రావు ఇంట్లో జ‌రిగిన ఐటీ సోదాల్లో విస్తుపోయే వాస్త‌వాలు వెల్ల‌డ‌య్యాయి. బాబు హ‌యాంలో టీడీపీ నేత‌లు పందికొక్కుల్లాగా వేల కోట్ల రూపాయ‌లు నొక్కేశార‌ని ఆ సోదాల్లో వెల్ల‌డైన‌ట్లు తెలుస్తోంది. మొన్న లాక‌ర్‌ లో ప‌లు కీల‌క ప‌త్రాల‌ను స్వాధీనం చేసుకున్న ఐటీ అధికారులు...తాజాగా ఓ డైరీని స్వాధీనం చేసుకున్నార‌ట‌.

చంద్ర‌బాబు, టీడీపీ నేత‌ల అవినీతి బాగోతం అంతా ఆ డైరీలో ఉంద‌ని ప్ర‌చారం జ‌రుగుతోంది. చంద్ర‌బాబు బినామీలు కొట్టేసిన‌ వేల కోట్ల రూపాయ‌ల వివ‌రాలు - .టీడీపీ నేత‌ల అక్ర‌మ లావాదేవీల వివ‌రాలు ఆ డైరీలో ఉన్నాయ‌ట‌. ఆ డైరీలోని పూర్తి వివ‌రాలు వెల్ల‌డైతే చంద్ర‌బాబుతోపాటు ప‌లువురు టీడీపీ నేత‌ల కొంప కొల్లేరవుతుంద‌ట‌. చంద్ర‌బాబు  లావాదేవీల అవినీతి చిట్టాను చిత్ర‌గుప్తుడి త‌ర‌హాలో మాజీ పీఎస్ శ్రీ‌నివాస‌రావు ఆ డైరీలో రాసిపెట్టుకున్నార‌ట‌. బాబు ద్వారా ల‌బ్ధి పొందిన‌ కాంట్రాక్ట‌ర్ల‌ వివ‌రాలు...ఏ డేట్‌లో ఎంత డ‌బ్బు  ముట్టింది. అన్న వివరాలు ఆ డైరీలో భ‌ద్రంగా ఉన్నాయ‌ట‌.

అంతేకాదు, ఆయా కాంట్రాక్ట‌ర్ల నుంచి బాబు అధికారికంగా....అన‌ధికారికంగా ఎంత డ‌బ్బు తీసుకున్నారో పొల్లు పోకుండా రాసి ఉంద‌ట‌. దీంతోపాటు ఏ ఏ స‌బ్ కాంట్రాక్ట్ సంస్థ‌ల‌కు మెయిన్ కాంట్రాక్టు సంస్థ‌లు ప‌నులు అప్ప‌గించాయ‌న్న వివ‌రాలు కూడా ఉన్నాయ‌ట‌. అంతేకాదండోయ్ ....ప‌నామా పేప‌ర్ల త‌ర‌హాలో పేప‌ర్లకే ప‌రిమిత‌మైన ఆ స‌బ్ కాంట్రాక్ట్ సంస్థ‌ల వివ‌రాలు....వాటిని అడ్డుపెట్టుకొని ఆ డ‌బ్బును హ‌వాలా మార్గంలో విదేశాల‌కు మెయిన్ కాంట్రాక్ట్ సంస్థ‌లు త‌ర‌లించిన ఆధారాల‌న‌న్నీ ఆ డైరీలోనే ఉన్నాయ‌ట‌.

ఇక‌, కొద్ది నెల‌ల క్రితం ఫెడ‌ర‌ల్ ఫ్రంట్ అంటూ చంద్ర‌బాబు చేసిన హ‌డావిడి వెనుక పెద్ద మ‌త‌ల‌బు ఉంద‌ట‌. రాజ‌స్థాన్, మ‌ధ్య ప్ర‌దేశ్ - ఛ‌త్తీస్‌ గ‌ఢ్ ఎన్నిక‌ల సంద‌ర్భంగా కాంగ్రెస్ పార్టీకి ఈ వేల కోట్ల రూపాయల అవినీతి సొమ్మును బాబు బినామీలు త‌ర‌లించిన వివ‌రాలు కూడా అందులో ఉన్నాయ‌ని జోరుగా ప్ర‌చారం జ‌రుగుతోంది. ఎవ‌రెవ‌రికి ...ఎంత డ‌బ్బు...ఏ రూపంలో పంపారో వివ‌రాలు స్ప‌ష్టంగా ఉన్నాయ‌ట‌. శ్రీ‌నివాస్‌ను అరెస్టు చేస్తే..ఆ పెద్ద త‌ల‌ల పేర్లు బ‌య‌ట‌కు వ‌స్తాయ‌ని తెలుస్తోంది. ఆ పెద్ద త‌ల‌కాయల పూర్తి వివ‌రాలు వెల్ల‌డిస్తే....ఇంకా ఎన్ని వేల కోట్ల అవినీతి సొమ్ము బ‌య‌ట‌ప‌డుతుంద‌న్న‌ది ఆస‌క్తిక‌రంగా మారింది.