టీం ఇండియా ఫాస్ట్బౌలర్, హైదరాబాద్ కుర్రాడు సిరాజ్(26) కొత్త బీఎండబ్ల్యూ కారు కొన్నాడు. ఇందుకు సంబంధించిన వీడియోను సిరాజ్ ఇటీవల ఇన్స్టా అకౌంట్లో పోస్ట్చేశాడు. అయితే ఆ కారు చాలా రీసెంట్గా కొనుగోలు చేసినట్టు ఉన్నాడు. ఇంకా టెంపరరీ నంబర్ ప్లేట్తో ఉంది. అయితే సిరాజ్ ఇటీవల ఆస్ట్రేలియా పర్యటనలో మెరుగైన బౌలింగ్ ప్రదర్శన ఇచ్చిన విషయం తెలిసిందే.
సిరాజ్ ఆసీస్ టూర్లో ఉన్నప్పుడే అతడి తండ్రి చనిపోయాడు. కానీ టీం ఇండియాకు ఆడాలన్న తండ్రి ఆకాంక్షతో అతడు ఆస్ట్రేలియాలో ఉండిపోయాడు. తండ్రి కోరికమేరకు టీం ఇండియా తరఫున క్రికెట్ ఆడాడు. అయితే ఇటీవల ఆస్ట్రేలియా పర్యటన ముగించుకొని ఇండియాకు వచ్చిన వెంబడే తనతండ్రి సమాధిని దర్శించుకున్నాడు సిరాజ్.
మహ్మద్ షమీకి గాయం కావడంతో సిరాజ్కు అవకాశం వచ్చింది. ఈ అవకాశాన్ని సిరాజ్ సద్వినియోగం చేసుకున్నాడు.
ఆస్ట్రేలియా సిరీస్లో మొత్తం 13 వికెట్లతో పడగొట్టాడు. కీలక సమయాల్లో వికెట్లు తీసి .. టీం ఇండియా జట్టు విజయంలో తోడ్పడ్డాడు. అయితే సిరాజ్పై కొందరు ఆస్ట్రేలియా బౌలర్లు జాతి వివక్ష వ్యాఖ్యలు కూడా చేశారు. అయినప్పటికీ సిరాజ్ స్థిరంగా ఆడాడు. ప్రస్తుతం సిరాజ్ ఖరీదైన కారు కొనుగోలు చేయడం సోషల్మీడియాలో వైరల్గా మారింది.అయితే ‘సిరాజ్ భాయ్ దావత్ ఎప్పుడు’ అంటూ కొందరు నెటిజన్లు కామెంట్లు పెడుతున్నారు.