కోహ్లీ దూసుకుపోతున్నాడుగా..! పాత కసి తీర్చుకుంటున్నాడా?

గత సీజన్​ లో పెద్దగా రాణించలేకపోయిన ఆర్​సీబీ .. ఈ సీజన్​ లో మాత్రం దూసుకెళ్తున్నది. తొలి మ్యాచ్​లోనే ముంబై లాంటి పటిష్ఠమైన జట్టును ఓడించి సత్తా చాటింది. ఏబీ డివిలియర్స్​, మ్యాక్స్​వెల్​ లాంటి విధ్వంసకర బ్యాట్స్​మెన్లు ఆ జట్టులో ఉన్నారు. ఇక కోహ్లీ సరే సరి. గత ఏడాది వివిధ కారణాల వల్ల ఆర్​సీబీ దెబ్బతిన్నది. ఈ సారి మాత్రం పక్కా లెక్కలతో ముందుకు వెళ్తున్నట్టు కనిపిస్తున్నది. కోహ్లీ తన ఎక్స్​పీరియన్స్​ మొత్తం వాడి జట్టును విజయ పథంలో నడిపిస్తున్నట్టు ఉంది.

నిన్న జరిగిన మ్యాచ్​ లోనూ సన్​రైజర్స్​ హైదరాబాద్​ పై .. ఆర్​సీబీ విజయం సాధించింది. మ్యాచ్​ చివరకంటా ఉత్కంఠ భరితంగా సాగినప్పటికీ విజయం మాత్రం ఆర్​సీబీ వశమైంది. చివరి బంతి వరకు ప్రేక్షకులు ఎంతో థ్రిల్​ ఫీలయ్యారు. నిన్నటి మ్యాచ్​ లో మొదటి 10 ఓవర్ల వరకు సన్​రైజర్స్​ కాస్త దూకుడు ప్రదర్శించినప్పటికీ .. ఆ తర్వాత దెబ్బతిన్నది. కెప్టెన్ డేవిడ్ వార్నర్ (38: 24 బంతుల్లో 5 ఫోర్లు, 1 సిక్స్)  పర్వా లేదనిపించాడు. అయితే అతడు అవుట్​ అయ్యాక మ్యాచ్​ క్రమంగా చేయి దాటింది. 17వ ఓవర్లో సన్​రైజర్స్​ 3 వికెట్లు కోల్పోయింది. చివరి ఓవర్లో 16 పరుగులు చేయాల్సి  ఉండగా.. కేవలం 9 పరుగులు మాత్రమే చేసి రెండు వికెట్లు సమర్పించుకున్నది.

ఆర్​సీబీ కేవలం 150 పరుగులు మాత్రమే చేసినప్పటికీ .. ఆ స్వల్ప లక్ష్యాన్ని  కూడా సన్​రైజర్స్​ ఇంత స్వల్ప లక్ష్యాన్ని కూడా ఛేదించలేకపోయింది. గ్లెన్ మ్యాక్స్‌వెల్‌ కు మ్యాన్‌ ఆఫ్‌ ది మ్యాచ్ అవార్డు దక్కింది. అయితే ఈ సారి ఆర్​సీబీ వ్యూహాత్మకంగా వ్యవహరిస్తుందో? లేక అదృష్టం కలిసి వస్తుందో తెలియదు గానీ.. ఇప్పటివరకు రెండు మ్యాచ్​లు ఆడగా.. రెండు మ్యాచ్​ల్లోనూ ఆ జట్టు విజయం సాధించింది.

 గత సీజన్​ లో మ్యాక్స్​వెల్​ కింగ్స్​ ఎలెవన్​ పంజాబ్స్​ తరఫున ఆడాడు. నిజానికి మ్యాక్స్​ అద్భుతమైన ఆటగాడు. కానీ ఎందుకో పంజాబ్​ తరఫున సరిగ్గా ఆడలేకపోయాడు. దీంతో అతడిని పంజాబ్​ వదులుకున్నది. ఇదిలా ఉంటే ఐపీఎల్​ తర్వాత తన దేశానికి ఆడిన మ్యాక్స్​ అక్కడ కుమ్మేశాడు. ఆ నమ్మకంతోనే ఆర్​సీబీ మ్యాక్స్​ను కొనుక్కున్నది. ప్రస్తుతం అతడు బాగానే రాణిస్తున్నాడు. ఇక డివిలియర్స్​, కోహ్లీ కూడా బాగానే ఆడుతున్నారు. వీళ్లు ముగ్గురు ఫామ్​ లో ఉంటే  ఆర్​సీబీకి తిరుగులేదని అంటున్నారు.