వైర‌ల్‌ గా జ‌గ‌న్ కేబినెట్!...స‌భాప‌తిగా ద‌గ్గుబాటే!

ఏపీ అసెంబ్లీకి జ‌రిగిన ఎన్నిక‌ల ఫ‌లితాలు మ‌రో వారంలో రానున్నాయి. గ‌త నెల 11న పోలింగ్ ముగిసినా... సార్వ‌త్రిక ఎన్నిక‌ల నేప‌థ్యంలో ఇటు విప‌క్ష వైసీపీతో పాటు అటు అధికార టీడీపీ త‌మ‌దే గెలుపంటూ ధీమాను వ్య‌క్తం చేస్తున్నాయి. ఈ ధీమా టీడీపీలో కంటే వైసీపీలోనే కాస్తంత ఎక్కువ‌గా క‌నిపిస్తోంది. 2014 ఎన్నికల్లోనే వెంట్రుక వాసిలో అధికారం చేజారింద‌ని భావించిన వైసీపీ అధినేత వైఎస్ జ‌గ‌న్ మోహ‌న్ రెడ్డి... ఈ ద‌ఫా మ‌రింత ప‌క‌డ్బందీగానే ముందుకు సాగారు. పోలింగ్ స‌ర‌ళి పరిశీలించిన త‌ర్వాత గెలుపు త‌మ‌దేనంటూ ధీమాను వ్య‌క్తం చేసిన జ‌గ‌న్‌... ఇక‌పై త‌న కార్య‌కలాపాల‌న్నీ కూడా ఏపీ నుంచేన‌ని తేల్చేసుకున్నారు. ఈ క్ర‌మంలోనే ఇప్ప‌టికే లోట‌స్ పాండ్ నుంచి తాడేప‌ల్లికి వైసీపీ కార్యాల‌యం త‌ర‌లిపోయింది.

ఎన్నిక‌ల్లో గెలుపు ప‌క్కా అని తేల్చుకున్న త‌ర్వాతే జ‌గ‌న్ ఈ నిర్ణయం తీసుకున్న‌ట్లుగా వార్త‌లు వ‌చ్చిన సంగ‌తి తెలిసిందే. ఇదే విష‌యాన్ని టీడీపీ అనుకూల మీడియా కూడా దాదాపుగా దృవీక‌రించుకున్న విష‌యం తెలిసిందే. ఈ నేప‌థ్యంలో జ‌గ‌న్ సీఎం కావ‌డం ఖాయ‌మేన‌ని - మ‌రి అలాంట‌ప్పుడు ఆయ‌న కేబినెట్ లో ఎవ‌రెవ‌రు ఉంటారు? ఎవ‌రికి ఏ శాఖ అన్న విష‌యాల‌పై ఇప్పుడు సోష‌ల్ మీడియాలో ఓ వార్త హ‌ల్ చ‌ల్ చేస్తోంది. పూర్తి స్థాయి కేబినెట్ లో జ‌గ‌న్ ఎవ‌రెవ‌రికి ఏఏ శాఖ‌లు కేటాయిస్తార‌న్న స‌మ‌గ్ర స‌మాచారం ఉన్న ఈ పోస్ట్ ఆస‌క్తి రేకెత్తిస్తోంది. స్పీకర్ పోస్టును ద‌గ్గుబాటి వెంక‌టేశ్వ‌ర‌రావుకు కేటాయించ‌నున్న జ‌గ‌న్‌... డిప్యూటీ స్పీక‌ర్ ప‌ద‌విని మ‌హిళా నేత పాముల పుష్ప‌ శ్రీ‌ వాణికి ఇవ్వ‌నున్న‌ట్లుగా ఈ పోస్ట్ తెలిపింది. ఇక‌ ఈ పోస్ట్ ప్ర‌కారం జ‌గ‌న్ కేబినెట్ ఇలా ఉంటుంద‌ట‌.

ముఖ్యమంత్రి : వై యస్ జగన్ మోహన్ రెడ్డి
స్పీకర్ : దగ్గుబాటి వెంకటేశ్వర రావు
డిప్యూటీ స్పీకర్ : పాముల పుష్ప శ్రీవాణి

మంత్రులు ................శాఖలు

1.పెద్దిరెడ్డి రామచంద్రారెడ్డి              -హోంశాఖ
2. బొత్స సత్యనారాయణ              - రోడ్లు మరియు భవనాలు
3. ధర్మాన ప్రసాదరావు                -రెవెన్యూశాఖ
4. బుగ్గన రాజేంద్రనాథ్ రెడ్డి            -ఆర్థిక శాఖ
5. కొడాలి నాని                          -భారీ నీటిపారుదల శాఖ
6. గడికోట శ్రీకాంత్ రెడ్డి                 -మున్సిపల్ శాఖ
7. తానేటి వనిత                         -స్త్రీ - శిశు సంక్షేమ శాక  
8. పిల్లి సుభాష్ చంద్రబోస్             -పౌర సరఫరాలుశాఖ
9. అవంతి శ్రీనివాస్                     -వైద్య ఆరోగ్యశాఖ
10. కురసాల కన్నబాబు               -విద్యాశాఖ
11. తమ్మినేని సీతారాం                 -బీసీ సంక్షేమం
12. శిల్ప చక్రపాణి రెడ్డి                  -అటవీశాఖ
13. వై. విశ్వేసర్ రెడ్డి                    -న్యాయశాఖ 
14. కోన రఘుపతి                      -దేవాదాయ ధర్మదాయశాఖ
15. ఆనం రాంనారాయణ రెడ్డి          -పంచాయితీరాజ్
16. మోపిదేవి వెంకటరమణ           -ఐటీ శాఖ మంత్రి
17. ఆర్. కే. రోజా                       -విద్యుత్ శాఖ 
18. బాలినేని శ్రీనివాస్ రెడ్డి             -భూగర్భ గనులశాఖ
19. గ్రంధి శ్రీనివాస్                      -సినిమాటోగ్రఫీ
20. ఆళ్ళ నాని                          -కార్మిక - రవాణా శాఖ
21. కె. భాగ్యలక్ష్మి                      - సాంఘీక సంక్షేశాఖ
22. ఆళ్ళ రామకృష్ణ రెడ్డి               -వ్యవసాయ శాఖ మంత్రి
23. అమంచి కృష్ణ మోహన్           -మార్కెటింగ్ మరియు పశు సంవర్థక
24. కె. ఇక్బాల్ అహ్మద్               -పర్యావరణ శాఖ
25. కొక్కిలిగడ్డ రక్షణనిధి              -హౌసింగ్
26. కాకాని గోవర్ధన్ రెడ్డి               -భారీ పరిశ్రమల శాఖ