టాటా ఇంట్లో కేశినేని పుట్టినరోజు

ప్రముఖ పారిశ్రామికవేత్త రతన్ టాటాతో విజయవాడ ఎంపీ కేశినేని నానికి ఉన్న అనుబంధం మరోసారి హైలైట్ గా నిలిచింది. చాలాకాలంగా రతన్ టాటాతో నానికి మంచి సంబంధాలున్నాయి. తన నియోజకవర్గంలో టాటా గ్రూపు సహకారంతో కొన్ని సామాజిక కార్యక్రమాలను ఎంపీ నిర్వహిస్తున్నారు. ఇది పార్టీతో సంబంధంలేకుండా నాని వ్యక్తిగత కెపాసిటితో చేస్తున్నారు. ఇపుడు విషయం ఏమిటంటే ఎంపీ కూతురు, విజయవాడ డివిజన్ కార్పొరేటర్ శ్వేత పుట్టినరోజు టాటా ఇంట్లో జరిగింది.

శ్వేత పుట్టిన రోజు టాటా ఇంట్లో జరగటమంటే మామూలు విషయంకాదు. శ్వేత టాటా కంపెనీల్లో కూడా పనిచేసిన విషయం తెలిసిందే. అలాంటిది ఎంపీ కూతురు పుట్టిన రోజును తనింట్లో చేసుకోవాలని రతన్ ఆహ్వానించారట. దాంతో సంబరపడిపోయిన శ్వేత తన భర్త, ఎంపీతో కలిసి రతన్ టాటా ఇంటికి వెళ్ళారు. రతన్  సమక్షంలోనే శ్వేత కేక్ కట్ చేశారు.  కూతురు పుట్టినరోజు రతన్ టాటా ఇంట్లో జరగిన ఫొటోలు ఇపుడు సోషల్ మీడియాలో వైరల్ అవుతున్నాయి. ఇదే సమయంలో రతన్ టాటాతో ఎంపీకి ఉన్న అనుబంధం కూడా హైలైట్ అయ్యింది.