ఒక సూటు.. భారతదేశంలోని రాజకీయాల్లో పెనుదుమారమే లేపింది. అదే భారత ప్రధాని నరేంద్ర మోడీ ధరించిన సూటు. ఈ విషయంపై అప్పట్లో రాహుల్ గాంధీ తో మొదలెట్టి అన్ని ప్రతిపక్ష రాజకీయ పార్టీల ను ఉంచి, సోషల్ మీడియాలో సామాన్యుడి వరకూ కామెంట్స్ చేసిన సంగతి తెలిసిందే. అయితే ఆ రోజు మోడీ ధరించిన ఖరీదైన సూటు తాజాగా ఒక రికార్డును సృష్టించింది. అది కూడా అలాంటిలాంటి రికార్డు కాదు.. గిన్నీస్ రికార్డు!
వేలంలో అత్యధిక ధర పలికిన సూటుగా ప్రధాని నరేంద్ర మోడీ ధరించిన సూటు గిన్నిస్ రికార్డుల్లో నమోదైంది. ఈ మేరకు గిన్నిస్ బుక్ నిర్వాహకులు సర్టిఫికెట్ కూడా జారీ చేశారు. ఈ సూటు రూ. 4.31 కోట్లకు అమ్ముడయ్యిందని, గుజరాత్ కు చెందిన లాల్జీభాయ్ తులసిబాయ్ పటేల్ ఫిబ్రవరి 20 - 2015న దీన్ని దక్కించుకున్నారని తెలిసింది.
అమెరికా అధ్యక్షుడు బరాక్‌ ఒబామా భారత్‌ వచ్చిన సందర్భంగా ఢిల్లీలో ఒబామాతో సమావేశమైనప్పుడు మోడీ ఈ సూట్ ధరించారు. "నరేంద్ర దామోదర్ దాస్ మోదీ" పేరు కనిపించేలా తయారు చేయడం ఈ సూట్ ప్రత్యేకతగా చెప్పవచ్చు. విదేశాల్లో నివసిస్తున్న రమేశ్ విరాణి వ్యాపారవేత్త ఈ సూటును మోడీకి బహుమతిగా ఇచ్చారు. దీన్ని తయారు చేయడానికి సుమారు రూ.10లక్షలు అయినట్లు వార్తలు రావడంతో ప్రతిపక్ష పార్టీల నుంచి తీవ్ర విమర్శలు వచ్చాయి.
వేలంలో అత్యధిక ధర పలికిన సూటుగా ప్రధాని నరేంద్ర మోడీ ధరించిన సూటు గిన్నిస్ రికార్డుల్లో నమోదైంది. ఈ మేరకు గిన్నిస్ బుక్ నిర్వాహకులు సర్టిఫికెట్ కూడా జారీ చేశారు. ఈ సూటు రూ. 4.31 కోట్లకు అమ్ముడయ్యిందని, గుజరాత్ కు చెందిన లాల్జీభాయ్ తులసిబాయ్ పటేల్ ఫిబ్రవరి 20 - 2015న దీన్ని దక్కించుకున్నారని తెలిసింది.
అమెరికా అధ్యక్షుడు బరాక్‌ ఒబామా భారత్‌ వచ్చిన సందర్భంగా ఢిల్లీలో ఒబామాతో సమావేశమైనప్పుడు మోడీ ఈ సూట్ ధరించారు. "నరేంద్ర దామోదర్ దాస్ మోదీ" పేరు కనిపించేలా తయారు చేయడం ఈ సూట్ ప్రత్యేకతగా చెప్పవచ్చు. విదేశాల్లో నివసిస్తున్న రమేశ్ విరాణి వ్యాపారవేత్త ఈ సూటును మోడీకి బహుమతిగా ఇచ్చారు. దీన్ని తయారు చేయడానికి సుమారు రూ.10లక్షలు అయినట్లు వార్తలు రావడంతో ప్రతిపక్ష పార్టీల నుంచి తీవ్ర విమర్శలు వచ్చాయి.