తెలంగాణ‌లో ప‌ర్య‌టించిన మోడీ స‌తీమ‌ణి

ప్రధానమంత్రి నరేంద్రమోడీ సతీమణి యశోదాబెన్ తెలంగాణ రాష్ట్ర ప‌ర్య‌ట‌న‌కు విచ్చేశారు. హైద‌రాబాద్ స‌మీపంలోని పూర్వ రంగారెడ్డి జిల్లాలోని వికారాబాద్‌ కు మోడీ స‌తీమ‌ణి వ‌చ్చారు. పట్టణంలోని నాగదేవత ఆలయన్ని దర్శించుకున్న ఆమె నాగదేవతకు ప్రత్యేక పూజలు నిర్వహించారు. ఈ సందర్భంగా స్థానికంగా ఏర్పాటు చేసిన అంబేద్కర్ విగ్రహాన్ని యశోదాబెన్ ఆవిష్కరించారు. ప్రధాని మోడీ భార్య వచ్చిందన్న సమాచారం తెలియడంతో ఆమెను చూసేందుకు స్థానికులు పెద్దఎత్తున ఆలయానికి చేరుకున్నారు.

ఈ సంద‌ర్భంగా మీడియా ప్ర‌తినిధులు మోడీ స‌తిమ‌ణిని ఈ ప‌ర్య‌ట‌న గురించి స్పందించ‌మ‌ని కోర‌గా...తెలంగాణ‌లో ఈ దేవాల‌యం విశిష్ట‌త గురించి తెలుసుకొని ఇక్క‌డికి వ‌చ్చిన‌ట్లు తెలిపారు. రాజ‌కీయాలు ఇత‌ర‌త్ర అంశాల గురించి మ‌ట్లాడ‌మ‌ని మీడియా ప్ర‌స్తావించిన‌ప్ప‌టికీ తాను ఆ విష‌యాల‌పై మాట్లాడ‌టం స‌రికాద‌ని య‌శోదాబెన్ చెప్పారు.

Like Us on Facebook : https://www.facebook.com/Tupakidotcom/