ఏపీలో కొత్త ఇరిగేషన్ ప్రాజెక్టుల పనులు ఎలా సాగుతున్నాయి? అన్న సందేహానికి తిరుగులేని సమాధానం వస్తోంది. ప్రాజెక్టులు నత్తనడక నడుస్తున్నట్లుగా ఏపీ విపక్ష నేత వైఎస్ జగన్మోహన్ రెడ్డి తరచూ చేసే ఆరోపణల్లో పస లేదన్నట్లుగా తాజాగా బలమైన కాంప్లిమెంట్ ఒకటి వచ్చింది. ఏపీ ముఖ్యమంత్రి చంద్రబాబును కానీ.. ఆయన విధానాల్ని పొగడటం తర్వాత సమర్థించటానికి సుతారం ఇష్టపడిన ముఖ్యుడు ఒకరు.. ఏపీలో జరుగుతున్న ఇరిగేషన్ ప్రాజెక్టుల పనిపై చేసిన వ్యాఖ్యలు ఏపీ ముఖ్యమంత్రికి లభించిన కాంప్లిమెంట్ గా చెప్పాలి.
తెలంగాణ అధికారపక్షం చేపట్టిన ప్రాజెక్టు రీడిజైనింగ్ అంశంపై తెలంగాణ కాంగ్రెస్ తీవ్రస్థాయిలో దునుమాడిన వేళ.. తెలంగాణ ప్రభుత్వ నీటిపారుదల సలహాదారు విద్యాసాగర్ రావు ప్రభుత్వం తరఫున కౌంటర్ ఎటాక్ చేస్తున్న సంగతి తెలిసిందే. ఈ సందర్భంగా కాంగ్రెస్ హయాంలో జరిగినట్లుగా చెబుతున్న ప్రాజెక్టు పనులపై తీవ్రస్థాయిలో ధ్వజమెత్తారు. కాంగ్రెస్ పార్టీ ప్రదర్శించిన పీపీటీ (పవర్ పాయింట్ ప్రజంటేషన్)లో వాస్తవాలు.. విశ్లేషనలు లేవని.. కేవలం సంచలనం కోసమే ఆ పని చేసినట్లు చెప్పిన ఆయన.. ఈ సందర్భంగా ఏపీ సర్కారుకు ఒక కితాబు ఇచ్చారు.
‘‘కాంగ్రెస్ సర్కారు పవర్ లో ఉన్నప్పుడు ప్రాజెక్టుల పనులు చేయలేదు. ఇప్పుడు అధికారంలో ఉన్న టీఆర్ ఎస్ ను చేయనివ్వటం లేదు. తెలంగాణ కు ఎప్పుడునీరు వస్తుందో తెలియని పరిస్థితి. అందుబాటులో ఉన్నప్పుడే నీటిని నిల్వ చేసుకోవాలి. ఏపీ సర్కారు ఫ్లడ్ లైట్ వెలుగుల్లో ప్రాజెక్టులు పూర్తి చేస్తుంటే.. తెలంగాణలో కాంగ్రెస్ కారణంగా ప్రాజెక్టులు నిలుస్తున్నాయి’’ అంటూ వ్యాఖ్యానించారు. ఏపీ ప్రభుత్వం అన్నా.. ఏపీ ముఖ్యమంత్రి చంద్రబాబు అన్నా తీవ్రంగా వ్యతిరేకించే విద్యసాగర్ రావు సైతం.. ఏపీలో ప్రాజెక్టు పనులు చకచకా సాగుతుండటమే కాదు.. రాత్రిపగలు తేడా లేకుండా పనులు చేపడుతున్న విషయాన్ని తన ‘ఫ్లడ్ లైట్ వెలుగుల్లో ప్రాజెక్టులు పూర్తి చేస్తుంటే’’ అన్న మాటలతో చెప్పేశారు. ఏపీలో ప్రాజెక్టు పనులు ఎంత వేగంగా సాగుతున్నాయనటానికి ఇంతకు మించిన బెస్ట్ కాంప్లిమెంట్ బాబుకు ఇంకేం ఉంటుంది..?
తెలంగాణ అధికారపక్షం చేపట్టిన ప్రాజెక్టు రీడిజైనింగ్ అంశంపై తెలంగాణ కాంగ్రెస్ తీవ్రస్థాయిలో దునుమాడిన వేళ.. తెలంగాణ ప్రభుత్వ నీటిపారుదల సలహాదారు విద్యాసాగర్ రావు ప్రభుత్వం తరఫున కౌంటర్ ఎటాక్ చేస్తున్న సంగతి తెలిసిందే. ఈ సందర్భంగా కాంగ్రెస్ హయాంలో జరిగినట్లుగా చెబుతున్న ప్రాజెక్టు పనులపై తీవ్రస్థాయిలో ధ్వజమెత్తారు. కాంగ్రెస్ పార్టీ ప్రదర్శించిన పీపీటీ (పవర్ పాయింట్ ప్రజంటేషన్)లో వాస్తవాలు.. విశ్లేషనలు లేవని.. కేవలం సంచలనం కోసమే ఆ పని చేసినట్లు చెప్పిన ఆయన.. ఈ సందర్భంగా ఏపీ సర్కారుకు ఒక కితాబు ఇచ్చారు.
‘‘కాంగ్రెస్ సర్కారు పవర్ లో ఉన్నప్పుడు ప్రాజెక్టుల పనులు చేయలేదు. ఇప్పుడు అధికారంలో ఉన్న టీఆర్ ఎస్ ను చేయనివ్వటం లేదు. తెలంగాణ కు ఎప్పుడునీరు వస్తుందో తెలియని పరిస్థితి. అందుబాటులో ఉన్నప్పుడే నీటిని నిల్వ చేసుకోవాలి. ఏపీ సర్కారు ఫ్లడ్ లైట్ వెలుగుల్లో ప్రాజెక్టులు పూర్తి చేస్తుంటే.. తెలంగాణలో కాంగ్రెస్ కారణంగా ప్రాజెక్టులు నిలుస్తున్నాయి’’ అంటూ వ్యాఖ్యానించారు. ఏపీ ప్రభుత్వం అన్నా.. ఏపీ ముఖ్యమంత్రి చంద్రబాబు అన్నా తీవ్రంగా వ్యతిరేకించే విద్యసాగర్ రావు సైతం.. ఏపీలో ప్రాజెక్టు పనులు చకచకా సాగుతుండటమే కాదు.. రాత్రిపగలు తేడా లేకుండా పనులు చేపడుతున్న విషయాన్ని తన ‘ఫ్లడ్ లైట్ వెలుగుల్లో ప్రాజెక్టులు పూర్తి చేస్తుంటే’’ అన్న మాటలతో చెప్పేశారు. ఏపీలో ప్రాజెక్టు పనులు ఎంత వేగంగా సాగుతున్నాయనటానికి ఇంతకు మించిన బెస్ట్ కాంప్లిమెంట్ బాబుకు ఇంకేం ఉంటుంది..?