నానితో రాజ్‌ త‌రుణ్‌

వరుస విజ‌యాల‌తో అద‌ర‌గొడుతున్న యువ క‌థానాయ‌కుడు... రాజ్‌ త‌రుణ్‌. హ్యాట్రిక్ విజ‌యాల్ని అందుకొన్న ఇటీవ‌ల సీత‌మ్మ అందాలు రామ‌య్య సిత్రాలు లాంటి యావ‌రేజ్ సినిమాతో ప్రేక్ష‌కుల ముందుకొచ్చాడు.  ఇప్పుడు విష్ణుతో క‌లిసి ఓ మ‌ల్టీస్టార‌ర్ చిత్రంలో న‌టిస్తున్నాడు. జి.నాగేశ్వ‌ర‌రెడ్డి ద‌ర్శ‌క‌త్వం వ‌హిస్తున్న ఆ సినిమా చివ‌రి ద‌శ‌కు చేరుకొంది. ఇంత‌లో మ‌రో కొత్త సినిమాకి ప‌చ్చ‌జెండా ఊపాడు. ఈసారి నానితో క‌లిసి ఆయ‌న సినిమా చేయ‌బోతున్నాడు. నాని అంటే క‌థానాయ‌కుడు నాని కాదండోయ్‌. ద‌ర్శ‌కుడు నాని. ఇదివ‌ర‌కు ప‌లువురు అగ్ర ద‌ర్శ‌కుల ద‌గ్గ‌ర శిష్యరికం చేశాడ‌ట‌.

 ఇటీవ‌ల రాజ్‌ త‌రుణ్‌ ని దృష్టిలో ఉంచుకొని ఓ క‌థ రాశాడ‌ట‌. అది బాగా న‌చ్చ‌డంతో వెంట‌నే సినిమాకి గ్రీన్ సిగ్న‌ల్ ఇచ్చేశాడ‌ని తెలిసింది. త్వ‌ర‌లోనే ఆ సినిమా ప‌ట్టాలెక్క‌నుంద‌ని స‌మాచారం. రాజ్‌ త‌రుణ్ లేడీస్ టైల‌ర్ సీక్వెల్‌ గా రూపొంద‌నున్న ఫ్యాష‌న్ డిజైన‌ర్ అనే సినిమాలో న‌టించ‌బోతున్నాడ‌ని ఆమ‌ధ్య ప్ర‌చారం సాగింది. వంశీ ద‌ర్శ‌క‌త్వంలో తెర‌కెక్కాల్సిన ఆ చిత్రానికి ఏవో అడ్డంకులు వ‌చ్చాయ‌ని, అందుకే రాజ్‌ త‌రుణ్ మ‌రో కొత్త సినిమాని చేయ‌డానికి ఒప్పుకొన్నాడ‌ని ఫిల్మ్‌ న‌గ‌ర్ జ‌నాలు చెబుతున్నారు.