ప్రియుడిని బెదిరించి ప్రియురాలిపై రేప్

ప్రియుడు, ప్రియురాలు సరదాగా బయటకు వెళ్లారు. ఆహ్లాదంగా గడపాలని చూశారు. కానీ ఇంతలోనే ఓ పోలీస్ వచ్చాడు.. భయపడ్డ ప్రేమ జంటను బెదిరించాడు. ప్రియుడిని బెదిరించి వెళ్లగొట్టి ప్రియురాలిపై అత్యాచారానికి పాల్పడ్డాడు. అయితే ఇందులో ట్విస్ట్ ఏంటంటే  అతడు నిజమైన పోలీస్ కాదు.. ఇలా ప్రేమ జంటలను బెదిరించి అత్యాచారాలకు పాల్పడే పోలీస్ యూనిఫామ్ వేసుకున్న ఓ మోసగాడు.

తమిళనాడులోని తిరుచ్చి ఎన్ ఐటీ ఇంజినీరింగ్ కాలేజీలో మహారాష్ట్రకు చెందిన ఓ యువతి బీటెక్ మూడో సంవత్సరం చదువుతోంది. తన క్లాస్ మేట్ అయిన చెన్నైకి చెందిన విద్యార్థితో ప్రేమలో పడింది. అతడితో కలిసి చెట్టాపట్టాలేసుకొని తిరుగుతోంది.

ఆదివారం రాత్రి ఈ ప్రేమ జంట ఓ బస్టాప్ లో కూర్చొని ప్రేమ కబర్లు చెప్పుకుంటున్నారు. ఇంతలో పోలీస్ యూనిఫామ్ వేసుకొని వచ్చిన వ్యక్తి ఇక్కడేం చేస్తున్నారంటూ బెదిరించాడు. ప్రియుడిపై చేయిచేసుకోవడంతో అతడు పారిపోయాడు. అప్పటికే గంజాయి మత్తులో ఉన్న యువతిని ఎత్తుకొని నిర్మానుష్య ప్రాంతానికి తీసుకెళ్లాడు. అక్కడ యువతిపై అత్యాచారం చేసి వదిలి వెళ్లిపోయాడు.

కాగా ప్రియురాలిని ఎత్తుకెళ్లడం చూసిన ప్రియుడు దీనిపై పోలీస్ స్టేషన్ కు వెళ్లి ఫిర్యాదు చేశాడు. బాధితురాలిని వైద్య పరీక్షల నిమిత్తం ఆస్పత్రికి తరలించారు. సీసీ కెమెరాల ఫుటేజీ ఆధారంగా నిందితుడిని తిరుపెరంబూరుకు చెందిన మణికంఠన్ గా పోలీసులు గుర్తించారు. వెంటనే అతడి ఆచూకీ తెలుసుకొని అరెస్ట్ చేశారు.