హైదరాబాద్ లో రియల్ ఎస్టేట్ రంగం పూర్తిగా కోలుకుందని చెప్పుకోవాలి. గత మూణ్నాలుగేళ్లలో కుదుపులకు లోనయిన ఈ రంగం ఇప్పుడు రాజకీయ సుస్థిరత, అభివృద్ధి ప్రాజెక్టుల రాకతో బాగా కోలుకుంది.
రాష్ట్ర విభజన అంశం కొంతకాలం స్థిరాస్తి మార్కెట్‌ను ఒడిదొడుకులకు గురిచేసింది. రాష్ట్ర విభజన, కొత్త ప్రభుత్వం కొలువుదీరడం, సుస్థిర పాలన దిశగా సాగుతుండటం, అభివృద్ధికి శరవేగంగా బాటలు వేస్తుండటంతో ఈ రంగంలో తిరిగి హుషారు మొదలైంది. మునుపు ఉన్నంత వేగం లేకపోయినా స్థిరత్వమైతే సాధించింది. మరో ఆర్నెళ్లలో భారీ రియల్ బూమ్ వస్తుందని ఆ రంగంలో నిపుణులు చెబుతున్నారు.
తెలంగాణ ప్రభుత్వం పెట్టుబడులను ఆకర్షించే విధానాలు అమలు చేస్తుండడంతో పరిశ్రమలు ఏర్పాటు... ఐటీ రంగం మరింతగా పుంజుకుంటుండడం... విమానయాన, ఎలక్ట్రానిక్స్‌ తదితర రంగాల పరిశ్రమలు రానుండడం వంటివన్నీ రియల్ రంగాన్ని గాడిలో పెట్టేశాయి. హైదరాబాద్ లో గృహ - కార్యాలయ స్థలాలకు డిమాండ్‌ పెరిగిందని... స్థిరాస్తిలో పెట్టుబడులకు హైదరాబాద్ ఆకర్షణీయమని పలు అధ్యయనాలు కూడా చెబుతున్నాయి. ఈ నేపథ్యంలో మరో ఆర్నెళ్లలో భూముల ధరలకు మళ్లీ రెక్కలొస్తాయని పరిశ్రమవర్గాలు అంచనావేస్తున్నాయి. ఇప్పుడే స్థలాలు కొనిపెట్టుకున్నవారికి అప్పుడు లాభాల పంటే అని అంటున్నారు.
రాష్ట్ర విభజన అంశం కొంతకాలం స్థిరాస్తి మార్కెట్‌ను ఒడిదొడుకులకు గురిచేసింది. రాష్ట్ర విభజన, కొత్త ప్రభుత్వం కొలువుదీరడం, సుస్థిర పాలన దిశగా సాగుతుండటం, అభివృద్ధికి శరవేగంగా బాటలు వేస్తుండటంతో ఈ రంగంలో తిరిగి హుషారు మొదలైంది. మునుపు ఉన్నంత వేగం లేకపోయినా స్థిరత్వమైతే సాధించింది. మరో ఆర్నెళ్లలో భారీ రియల్ బూమ్ వస్తుందని ఆ రంగంలో నిపుణులు చెబుతున్నారు.
తెలంగాణ ప్రభుత్వం పెట్టుబడులను ఆకర్షించే విధానాలు అమలు చేస్తుండడంతో పరిశ్రమలు ఏర్పాటు... ఐటీ రంగం మరింతగా పుంజుకుంటుండడం... విమానయాన, ఎలక్ట్రానిక్స్‌ తదితర రంగాల పరిశ్రమలు రానుండడం వంటివన్నీ రియల్ రంగాన్ని గాడిలో పెట్టేశాయి. హైదరాబాద్ లో గృహ - కార్యాలయ స్థలాలకు డిమాండ్‌ పెరిగిందని... స్థిరాస్తిలో పెట్టుబడులకు హైదరాబాద్ ఆకర్షణీయమని పలు అధ్యయనాలు కూడా చెబుతున్నాయి. ఈ నేపథ్యంలో మరో ఆర్నెళ్లలో భూముల ధరలకు మళ్లీ రెక్కలొస్తాయని పరిశ్రమవర్గాలు అంచనావేస్తున్నాయి. ఇప్పుడే స్థలాలు కొనిపెట్టుకున్నవారికి అప్పుడు లాభాల పంటే అని అంటున్నారు.