సూపర్​స్మార్ట్​ కొరియర్​ బాయ్​.. గుర్రంపై వెళ్లి పార్శిల్​ ఇస్తున్నాడు..!

ప్రస్తుతం చాలా మంది షాపింగ్​ వెళ్లడం తగ్గించేశారు. తమకు కావాల్సిన వస్తువులన్నీ ఆన్​లైన్​లోనే ఆర్డర్​ చేస్తున్నారు. తక్కువ ధరకు వస్తువులు దొరుకుతుండటం.. ఇంటికే వస్తుండటంతో ప్రజలు ఈ కామర్స్​ సంస్థలవైపు మొగ్గుచూపుతున్నారు. దీనివల్ల అనేకమందికి ఉపాధి కూడా దొరికింది. అయితే తాజాగా అమెజాన్​లో పనిచేసే ఓ కొరియర్​ బాయ్​ గుర్రం మీద వెళ్లి డెలివరీ  ఇస్తున్నాడు.

నిజానికి కొరియర్​ సర్వీస్​ వాల్లు టూవీలర్​ మీద వస్తువులు తీసుకొస్తుంటారు. ఒకవేళ వస్తువు పెద్దదైతే వ్యాన్​లో తీసుకొస్తారు. కానీ జమ్ముకశ్మీర్​లో ఓ కొరియర్​ బాయ్​ మాత్రం గుర్రం మీద వస్తువులు డెలివరీ చేస్తున్నాడు. అందుకు కారణం అక్కడ పొగమంచు విపరీతంగా కమ్ముకున్నది. వాహనాలు వెళ్లే పరిస్థితి లేదు. దీంతో వినియోగదారులకు ఎలాగైన సరుకులు డెలివరీ చేయాలన్న ఉద్దేశ్యంతో ఓ కొరియర్​ బాయ్​ ఇలా గుర్రం మీద వెళ్లి వస్తువులు ఇచ్చేసి వస్తున్నాడు.

అయితే  ఫొటో జర్నలిస్ట్‌ ఉమర్ గనీ ఈ వీడియోను తన సామాజిక ఖాతాలో పోస్ట్‌ చేశాడు. ఈ వీడియో ప్రస్తుతం సోషల్​మీడియాలో వైరల్​ అయ్యింది. అయితే కొరియర్​ బాయ్​ తెలివిని నెటిజన్లు ప్రశంసిస్తున్నారు. కొరియర్​ బాయ్​ మీడియాతో మాట్లాడుతూ.. ‘నాకు  గుర్రపుస్వారీ  అంటే ఎంతో ఇష్టం. పైగా ఇప్పుడు చలికాలం కావడంతో ఇక్కడ మంచు కమ్ముకున్నది. దీంతో వాహనాలు వెళ్లడం ఇబ్బందికరంగా ఉంది. అందుకే ఇలా గుర్రం మీద వెళ్లి డెలివరీ ఇస్తున్నాను’ అంటూ ఆయన చెప్పాడు.