తెలంగాణ పరిషత్ ఎన్నికల వేళ ఓటేయడంతోపాటు తమ బాధను, ఆవేదనను మందు బాబులు వ్యక్తం చేశారు. తమకు నచ్చిన అభ్యర్థికి ఓటు వేయడమే కాదు.. తమ కోరికల చిట్టాను కేసీఆర్ కు అందిలా ఓ చీటి రాసి బ్యాలెట్ బాక్సులో వేశారు. ఓట్ల లెక్కింపు వేళ ఆ చీటిని చదివిన ఎన్నికల సిబ్బంది, మీడియా అవాక్కవడం వారి వంతు అయ్యింది..
జగిత్యాల జిల్లా రాయికల్ మండలం మూటపల్లి గ్రామానికి చెందిన బ్యాలెట్ బాక్స్ ను తెరిచిన అధికారులకు జగిత్యాల జిల్లా వాసుల మనవి పేరుతో ఓ లేఖ దొరికింది. అందులో తమకు కింగ్ ఫిషర్ బ్రాండ్ బీర్లు దొరకడం లేదని.. దీనికోసం పక్కజిల్లా కరీంనగర్ వెళ్లాల్సి వస్తోందని ఆవేదన వ్యక్తం చేశాడు. మీరు దయతలిచి కేసీఆర్ సారూ కింగ్ ఫిషర్ బీరును అందుబాటులో ఉంచాలని కోరాడు.
అంతేకాదు నోట్ చేసి మరీ.. కింగ్ ఫిషర్ బీరు కోసమైనా జగిత్యాల జిల్లాను కరీంనగర్ లో కలపండి అంటూ విన్నవించాడు. ఇప్పుడీ లేఖ సోషల్ మీడియాలో వైరల్ గా మారింది.
ఇక పెద్దపల్లి జిల్లా సుల్తానాబాద్ మండలం గర్రపల్లి వాసులు బ్యాలెట్ బాక్స్ లో తమ గ్రామానికి మండలం అయ్యే అన్ని అర్హతలు, సదుపాయాలు ఉన్నాయని.. వెంటనే గర్రపల్లిని మండలం చేయాలని కేసీఆర్ కు విన్నవిస్తూ లేఖ రాశారు. ఇలా పరిషత్ ఎన్నికల వేళ పల్లె ఓటర్లు తమ కోర్కెల చిట్టాను విప్పారు.
జగిత్యాల జిల్లా రాయికల్ మండలం మూటపల్లి గ్రామానికి చెందిన బ్యాలెట్ బాక్స్ ను తెరిచిన అధికారులకు జగిత్యాల జిల్లా వాసుల మనవి పేరుతో ఓ లేఖ దొరికింది. అందులో తమకు కింగ్ ఫిషర్ బ్రాండ్ బీర్లు దొరకడం లేదని.. దీనికోసం పక్కజిల్లా కరీంనగర్ వెళ్లాల్సి వస్తోందని ఆవేదన వ్యక్తం చేశాడు. మీరు దయతలిచి కేసీఆర్ సారూ కింగ్ ఫిషర్ బీరును అందుబాటులో ఉంచాలని కోరాడు.
అంతేకాదు నోట్ చేసి మరీ.. కింగ్ ఫిషర్ బీరు కోసమైనా జగిత్యాల జిల్లాను కరీంనగర్ లో కలపండి అంటూ విన్నవించాడు. ఇప్పుడీ లేఖ సోషల్ మీడియాలో వైరల్ గా మారింది.
ఇక పెద్దపల్లి జిల్లా సుల్తానాబాద్ మండలం గర్రపల్లి వాసులు బ్యాలెట్ బాక్స్ లో తమ గ్రామానికి మండలం అయ్యే అన్ని అర్హతలు, సదుపాయాలు ఉన్నాయని.. వెంటనే గర్రపల్లిని మండలం చేయాలని కేసీఆర్ కు విన్నవిస్తూ లేఖ రాశారు. ఇలా పరిషత్ ఎన్నికల వేళ పల్లె ఓటర్లు తమ కోర్కెల చిట్టాను విప్పారు.