స‌రోగ‌సీ బిడ్డకి పాస్ పోర్టు ఇచ్చేందుకు ఆల‌స్యం చేస్తున్న బ్రిటన్ ప్ర‌భుత్వం తీరుపై మండిప‌డ్డారు విదేశాంగ మంత్రి సుష్మా స్వరాజ్. స‌రోగ‌సీ ద్వారా ఇండియాలో బిడ్డ‌ను క‌న్నారు బ్రిటిష్ దంప‌తులు. అయితే, ఆ బిడ్డ‌కు పాస్ పోర్టు ఇచ్చేందుకు కొన్ని అభ్యంత‌రాలు వ్య‌క్తం చేస్తున్నారు అక్క‌డి అధికారులు. దీంతో ఈ విష‌యంపై సుష్మా స్వరాజ్ సీరియస్ అయ్యారు. స‌రోగ‌సీ బిడ్డ‌ను అనాథ‌ను చేస్తారా - అనాథాశ్ర‌మంలో వ‌దిలేసి వెళ్లిపోతారా అంటూ మండిప‌డుతూ బ్రిటన్ ప్ర‌భుత్వంపై ట్వీట్ చేశారు.
బిడ్డ‌లులేని త‌ల్లిదండ్రులు అద్దె గ‌ర్భాల‌ను ఆశ్ర‌యింస్తున్న సంగ‌తి తెలిసిందే. అయితే, మ‌న‌దేశంలో స‌రోగ‌సీకి సంబంధించి ఇటీవ‌లే ఓ చ‌ట్టాన్ని తీసుకొచ్చారు. అద్దె గ‌ర్భాల పేరుతో పెద్ద ఎత్తున అక్ర‌మ వ్యాపారాలు సాగుతున్నాయ‌ని ఆరోప‌ణ‌ల వెల్లువెత్తుతున్న నేప‌థ్యంలో చ‌ట్టంలో ప‌లు మార్పులు చేసి క‌ట్టుదిట్టం చేశారు. ఈ చ‌ట్టం అమ‌ల్లోకి రాక‌ముందే బ్రిటన్ కు చెందిన క్రిస్‌ - మిచేల్ హ్య‌మ‌న్ దంప‌తులు ముంబైకి వ‌చ్చారు. వైద్య వీసా మీద వ‌చ్చిన వీరికి ఇండియాలో స‌రోగ‌సీ ద్వారా లిల్లీ అనే బిడ్డ పుట్టింది. ఈ బిడ్డ‌ను త‌మ దేశానికి తీసుకెళ్లాంటే ట్రావెల్ డాక్యుమెంట్లు కావాలి. అయితే, అక్టోబ‌ర్ 7తోనే త‌ల్లిదండ్రుల వైద్య వీసా పూర్త‌వుతోంది. ఈలోగా బిడ్డకి ట్రావెల్ డాక్యుమెంట్లు వ‌చ్చే అవ‌కాశాల్లేవ‌ని ముంబైలోని బ్రిటిష్ కాన్సులేట్ స్ప‌ష్టం చేసింది. దీంతో ఆ త‌ల్లిదండ్రులు కంగారుప‌డుతున్నారు. వీరి వీసా గ‌డువు పూర్త‌య్యేలోగా లిల్లీకి పాస్ పోర్ట్ రాక‌పోతే ఆ బిడ్డ‌ను ఇండియాలోనే అనాథాశ్ర‌మంలో వ‌దిలేయాల్సిన ప‌రిస్థితి వ‌స్తుంది.
ఎట్టి ప‌రిస్థితుల్లోనూ బిడ్డ‌ను త‌మ‌తోనే తీసుకెళ్లేందుకే ప్ర‌య‌త్నిస్తున్నామ‌నీ, లిల్లీని అనాథ‌గా వ‌దిలివెళ్ల‌డం త‌మ‌కు ఇష్టం లేద‌ని ఆ దంప‌తులు ఆవేద‌న చెందుతున్నారు. దీంతో లిల్లీ పాస్ పోర్ట్ విష‌య‌మై సుష్మా స్వరాజ్ స్పందించారు. ఈ బిడ్డ‌ను అనాథ‌ను చేయ‌బోతున్నారా అంటూ బ్రిటిష్ అధికారుల‌ను ఘాటుగా ప్ర‌శ్నించారు. స‌రోగ‌సీ దంప‌తుల విష‌యంలో బ్రిటిష్ ప్ర‌భుత్వం ప్ర‌ద‌ర్శిస్తున్న అల‌స‌త్వంపై మండిప‌డ్డారు. సుష్మాజీ ట్వీట్ కి బ్రిటిష్ అధికారులు ఎలా స్పందిస్తారో చూడాలి మ‌రి!
బిడ్డ‌లులేని త‌ల్లిదండ్రులు అద్దె గ‌ర్భాల‌ను ఆశ్ర‌యింస్తున్న సంగ‌తి తెలిసిందే. అయితే, మ‌న‌దేశంలో స‌రోగ‌సీకి సంబంధించి ఇటీవ‌లే ఓ చ‌ట్టాన్ని తీసుకొచ్చారు. అద్దె గ‌ర్భాల పేరుతో పెద్ద ఎత్తున అక్ర‌మ వ్యాపారాలు సాగుతున్నాయ‌ని ఆరోప‌ణ‌ల వెల్లువెత్తుతున్న నేప‌థ్యంలో చ‌ట్టంలో ప‌లు మార్పులు చేసి క‌ట్టుదిట్టం చేశారు. ఈ చ‌ట్టం అమ‌ల్లోకి రాక‌ముందే బ్రిటన్ కు చెందిన క్రిస్‌ - మిచేల్ హ్య‌మ‌న్ దంప‌తులు ముంబైకి వ‌చ్చారు. వైద్య వీసా మీద వ‌చ్చిన వీరికి ఇండియాలో స‌రోగ‌సీ ద్వారా లిల్లీ అనే బిడ్డ పుట్టింది. ఈ బిడ్డ‌ను త‌మ దేశానికి తీసుకెళ్లాంటే ట్రావెల్ డాక్యుమెంట్లు కావాలి. అయితే, అక్టోబ‌ర్ 7తోనే త‌ల్లిదండ్రుల వైద్య వీసా పూర్త‌వుతోంది. ఈలోగా బిడ్డకి ట్రావెల్ డాక్యుమెంట్లు వ‌చ్చే అవ‌కాశాల్లేవ‌ని ముంబైలోని బ్రిటిష్ కాన్సులేట్ స్ప‌ష్టం చేసింది. దీంతో ఆ త‌ల్లిదండ్రులు కంగారుప‌డుతున్నారు. వీరి వీసా గ‌డువు పూర్త‌య్యేలోగా లిల్లీకి పాస్ పోర్ట్ రాక‌పోతే ఆ బిడ్డ‌ను ఇండియాలోనే అనాథాశ్ర‌మంలో వ‌దిలేయాల్సిన ప‌రిస్థితి వ‌స్తుంది.
ఎట్టి ప‌రిస్థితుల్లోనూ బిడ్డ‌ను త‌మ‌తోనే తీసుకెళ్లేందుకే ప్ర‌య‌త్నిస్తున్నామ‌నీ, లిల్లీని అనాథ‌గా వ‌దిలివెళ్ల‌డం త‌మ‌కు ఇష్టం లేద‌ని ఆ దంప‌తులు ఆవేద‌న చెందుతున్నారు. దీంతో లిల్లీ పాస్ పోర్ట్ విష‌య‌మై సుష్మా స్వరాజ్ స్పందించారు. ఈ బిడ్డ‌ను అనాథ‌ను చేయ‌బోతున్నారా అంటూ బ్రిటిష్ అధికారుల‌ను ఘాటుగా ప్ర‌శ్నించారు. స‌రోగ‌సీ దంప‌తుల విష‌యంలో బ్రిటిష్ ప్ర‌భుత్వం ప్ర‌ద‌ర్శిస్తున్న అల‌స‌త్వంపై మండిప‌డ్డారు. సుష్మాజీ ట్వీట్ కి బ్రిటిష్ అధికారులు ఎలా స్పందిస్తారో చూడాలి మ‌రి!