అక్కడ బీజేపీ.. ఇక్కడ కారు.. గ్యారెంటీ

మహారాష్ట్ర, హర్యాణ అసెంబ్లీ ఎన్నికల్లో బీజేపీదే హవా అని తేలింది.. ఇక తెలంగాణలో జరిగిన హుజూర్ నగర్ ఉప ఎన్నికల్లో కారు జోరు కొనసాగిందని స్పష్టమైంది. నిన్న సాయంత్రం ఎన్నికలు ముగిశాక దేశంలోని ప్రముఖ న్యూస్ చానెళ్లు సర్వే సంస్థలు ఎగ్జిట్ పోల్స్ ను విడుదల చేశాయి. ఇందులో మహారాష్ట్రలో బీజేపీ 200 పైనే అసెంబ్లీ సీట్లు సాధిస్తుందని స్పష్టం చేశాయి. ఇక  హరియాణాలోనూ భారీ విజయమే దక్కుతుందని అంచనావేశాయి.

ఒక్క ఇండియా టుడే తప్ప మిగిలిన అన్ని ఎగ్జిట్ పోల్స్ లో మహారాష్ట్రలో శివసేన-బీజేపీ కూటమి మొత్తం రాష్ట్రంలో ఉన్న 288 సీట్లకు గాను 200-240 స్థానాల్లో  విజయం సాధిస్తాయని వెల్లడించాయి. పూర్తి మెజారిటీ  సాధిస్తాయని స్పష్టం చేశాయి. కాంగ్రెస్ కేవలం 20-40 సీట్లలోపే పరిమితమవుతుందని తేల్చాయి.

ఇక ఉత్తరాన ఉన్న హర్యానా రాష్ట్రంలోనూ బీజేపీ స్పష్టమైన ఆధిక్యం సాధిస్తుందని ఎగ్జిట్ పోల్స్ తేల్చాయి. హర్యానాలోని మొత్తం 90 అసెంబ్లీ సీట్లకు గాను బీజేపీ ఒక్కటే 70కు పైగా సాధిస్తాయని సర్వే సంస్థలు స్పష్టం చేశాయి. ఇక్కడ మేజిక్ మార్క్ 46. కాంగ్రెస్ 20-30కే పరిమితం అవుతుందని తేల్చాయి.

రెండోసారి అఖండ మెజార్టీ సాధించిన బీజేపీకి మహారాష్ట్ర, హర్యానా ప్రజలు పట్టం కట్టబోతున్నారని తేలింది. ఇక కాంగ్రెస్ సహా ప్రతిపక్షాలు కమలసేనకు కకావికలం కావడం ఖాయమని తేల్చాయి.

తెలంగాణలో జరిగిన ఏకైక ఉప ఎన్నిక హుజూర్ నగర్ లో టీఆర్ఎస్ విజయం సాధిస్తుందని అంచనావేశాయి. టీఆర్ఎస్ కు దాదాపు 50శాతానికి పైగా ఓట్లు వస్తాయని ఎగ్జిట్ పోల్స్ తేల్చాయి. కాంగ్రెస్ 40శాతం  వస్తాయని అంచనావేశారు. ప్రభుత్వంపై వ్యతిరేకత , ఉత్తమ్ చేసిన అభివృద్ధి, కాంగ్రెస్ నేతలు మోహరించిన అదికార టీఆర్ఎస్ పోల్ మెనేజ్ మెంట్ ముందు ప్రతిపక్షాలు కొట్టుకుపోయాయని తెలిసింది. ఏకంగా 700 మంది నాయకుల సైన్యం 15 రోజుల పాటు ప్రతి ఓటరును పలకరించి ప్రభుత్వ అభివృద్ధి పథకాలు, చివరి రెండు రోజుల్లో తిరుగులేని పోల్ మేనేజ్ మెంట్ వల్ల గులాబీ పార్టీ విజయం సాధిస్తోందని తెలిపాయి.


సర్వే సంస్థ             బీజేపీ              కాంగ్రెస్           ఇతరులు
న్యూస్ 18             243                 41                 4
టైమ్స్ నౌ               230                 48                10
ఇండియా టుడే      166-194           72-90            22-34
రిపబ్లిక్ టీవీ          216-230           52-59             8-12
ఏబీపీ -సీఓటర్      192-216           55-81              4-21
టీవీ9-సిసిరో           197                 75                 16
న్యూస్ ఎక్స్          188-200          74-89              6-10
---------------------------
సగటు చూస్తే          210                 64                 13


న్యూస్ 18           75           10             01
టైమ్స్ నౌ             71           11              8
ఇండియా న్యూస్   75-80       9-12             1
రిపబ్లిక్ టీవీ           57          17              16
ఏబీపీ -సీఓటర్        72           8              10
టీవీ9-సిసిరో           47          23             20
న్యూస్ ఎక్స్           77          11              2
---------------------------
సరాసరి               68           13             10