హీరోయిన్ని లాక్కుని ముద్దు పెట్టేశాడు

ఆ మధ్య ఇండియాలో ఓ మంచి ఛారిటీ ప్రోగ్రాం కోసమని వచ్చిన హాలీవుడ్ నటుడు రిచర్డ్ గెరె.. ఆ కార్యక్రమంలో శిల్పాశెట్టిని లాక్కుని గాఢమైన ముద్దు పెట్టేయడం ఎంత వివాదమైందో గుర్తుంది కదా. తాజాగా ఫియట్ కంపెనీ మాజీ సీఈవో లాపో ఎల్కన్ కూడా అలాంటి పాడుపనే చేశాడు. ఎయిడ్స్ బాధితుల సహాయార్ధం నిర్వహించిన కార్యక్రమంలో హాలీవుడ్ హాట్ హీరోయిన్ ఉమా తుర్మన్‌ ను ఉన్నట్లుండి తన వైపు లాక్కుని లిప్ లాక్ చేసేయడం హాట్ టాపిక్ గా మారింది. ఓ వ్యాపార దిగ్గజం.. ఓ ఛారిటీ కార్యక్రమంలో ఇలాంటి దిగజారుడు పనులు చేయడమేంటంటూ అందరూ ఆశ్చర్యపోయారు.

అమెరికన్ ఫౌండేషన్ ఫర్ ఎయిడ్స్ రీసెర్చ్.. ఈ మధ్యే ఉమా తుర్మన్ తో కలిసి ఓ ఛారిటీ ఈవెంట్ నిర్వహించింది. ఎయిడ్స్ బాధితులకు సహాయార్థం విరాళాలు సేకరించేందుకు ఏర్పాటు చేసిన ఈ కార్యక్రమంలో లాపో ఎల్కన్ కూడా పాల్గొన్నాడు. ఈ కార్యక్రమంలో నిర్వహించిన ఫ్యాషన్ షోలో భాగంగా బహుమతి గెలుపొందిన ఎల్కన్.. వేదిక మీదికి వచ్చి ఉన్నట్లుండి ఉమా తుర్మన్ ను దగ్గరికి తీసుకుని లిప్ లాక్ చేసేశాడు. ఊహించని ఘటనతో షాక్ కు గురైన ఉమా.. తర్వాత తేరుకుంది. ఆమె చాలా చిరాగ్గా కనిపించింది కానీ.. ఏమీ స్పందిచలేదు.

 ఐతే హాలీవుడ్ జనాలకు ఇలాంటివి ముందే ప్లాన్ చేసి చేయడం అలవాటు. మామూలు కార్యక్రమాల్లో ఎంత డ్రామా నడిచినా ఓకే కానీ.. ఎయిడ్స్ బాధితుల సహాయార్ధం నిర్వహించిన ఛారిటీ కార్యక్రమంలో ఇలా చేయడమే విమర్శలకు దారి తీసింది.