సీబీఐ కోర్టులో దొంగ హల్ చల్

హైదరాబాద్ లోని సీబీఐ కోర్టులోని కీలక ఫైళ్లను దొంగిలించే ప్రయత్నం విఫలమైంది. కోర్టు జరుగుతున్న సమయంలోనే ఈ దొంగతనం యత్నం జరగడం మరో విచిత్రం.  గగన్ విహార్ లోని సీబీఐ అధికారుల ఛాంబర్ లోకి చొరబడ్డ దుండగుడు ఫైల్స్ ఎత్తుకెళ్లడానికి యత్నించాడు. వెంటనే అప్రమత్తమైన అధికారులు దుండగుడి యత్నానికి బ్రేక్ వేశారు. అతన్ని అదుపులోకి తీసుకుని విచారిస్తున్నారు.

అయితే.. ఈ ఘటన జరిగినప్పుడు ఏపీ ప్రతిపక్ష నేత జగన్ కోర్టు హాల్ లోనే ఉన్నారు. దీంతో ఘటనపై పలు అనుమానాలు వ్యక్తమవుతున్నాయి. జగన్ పై కేసుకు సంబంధించినవన్న అనుమానాలు రేకెత్తించేలా ఎవరో ఇలాంటి పనికి పురమాయించి ఉంటారని భావిస్తున్నారు. లేదంటే కోర్టులో జనం అలికిడి ఉన్న సమయంలో ఫైళ్లను దొంగిలించడం సాధ్యం కాదని తెలిసీ ఎందుకు ప్రయత్నిస్తారన్న ప్రశ్న తలెత్తుతోంది.

ఫైల్స్ ఎత్తుకెళ్లాల్సిన అవసరం ఆ దుండగుడికి ఏమొచ్చింది? అన్న అంశంపై అధికారులు వివరాలు సేకరిస్తున్నారు. ఈ ఘటనతో ఒక్కసారిగా సీబీఐ కోర్టులో కలకలం రేగింది. అధికారుల విచారణ తరువాత అసలు విషయం బయటపడనుంది.

Like Us on Facebook : https://www.facebook.com/Tupakidotcom/