స్వలింగ వివాహాలు మహాపాపం.. ఈ మాట అన్నది ఎవరంటే?

స్వలింగ వివాహాలపై ప్రపంచవ్యాప్తంగా ఆమోదం దొరుకుతున్న వేళ వాటికన్​ క్యాథలిక్​ చర్చి సంచలన ప్రకటన చేసింది. ఇటీవల చాలా దేశాల్లో స్వలింగ వివాహాలకు, బంధాలకు అనుమతులు వస్తున్నాయి. ఈ మేరకు ఆయా దేశాల్లో రాజ్యాంగాలను సైతం సవరిస్తున్నారు. కానీ మత పెద్దలు, ఆధ్యాత్మికవేత్తలు ఇటువంటి వివాహాలను ఆమోదించడం లేదు. అన్ని మతాలు ఇటువంటి వివాహాలు ప్రకృతికి విరుద్ధమని చెబుతున్నాయి. ఈ సందర్భంలో క్యాథలిక్​ చర్చి సంచలన ప్రకటన చేసింది. ‘ స్వలింగ వివాహాలు చేసుకోవడం అంటే దేవుడి ఆదేశాలను ధిక్కరించడమే. ఇవి ప్రకృతి విరుద్ధం. ఇటువంటి దిక్కుమాలిన పనులకు మేము ఎట్టి పరిస్థితుల్లోనూ ఆమోదం తెలపలేం’ అంటూ వాటికన్ చర్చి ఓ ప్రకటన విడుదల చేసింది.

 ప్రస్తుతం ఈ ప్రకటన ప్రకంపణలు సృష్టిస్తున్నది. ప్రపంచవ్యాప్తంగా పలు దేశాల్లో స్వలింగ వివాహాలు, స్వలింక బంధాలపై చర్చలు జరుగుతున్నాయి. చాలా మంది స్వలింగ సంపర్కులు వివాహాలు సైతం చేసుకుంటున్నారు. మేము ఆనందంగా ఉంటున్నామని.. ఇతరులకు ఏ కీడు తలపెట్టడం లేదని.. అటువంటప్పుడు మీకు వచ్చిన ఇబ్బంది ఏమిటని వాళ్లు ప్రశ్నిస్తున్నారు. ఇదిలా ఉంటే మత పెద్దలు, ఆధ్యాత్మిక గురువులు మాత్రం ఇటువంటి పద్ధతులను ఖరాకండిగా వ్యతిరేకిస్తున్నారు. ఇటువంటి పరిస్థితుల్లో వాటికన్​ చర్చి ఇచ్చిన ప్రకటన సంచలనంగా మారింది. చాలా యూరప్​ దేశాలు.. ఆ మాట కొస్తే ప్రపంచంలోని చాలా సంపన్న దేశాల్లో క్రైస్తవుల సంఖ్య ఎక్కువ. ఆయా దేశాలు వాటికన్​ చర్చి ఇచ్చిన ప్రకటనను ఎలా స్వీకరిస్తాయో వేచి చూడాలి. ఇప్పటికే పలు మతాలు స్వలింగసంపర్కాన్ని తప్పు అని ప్రకృతి విరుద్ధమని తేల్చిచెప్పాయి.

తాజాగా వాటికన్​ చర్చి కూడా అటువంటి ప్రకటన చేయడం గమనార్హం.  ‘స్వలింగ వివాహాలు చేసుకొనే జంటలకు మేము ఎట్టిపరిస్థితుల్లోనూ ఆశీస్సులు అందించబోం’ అంటూ వాటికన్​ చర్చి తేల్చి చెప్పేసింది. స్వలింగ వివాహం అనేది దేవుడు ఇచ్చిన ఆదేశాలను అనుసరించే జీవిత విధానాన్ని వదిలేసి తీసుకునే నిర్ణయమని పేర్కొంటూ వాటికన్ చర్చి ఓ ప్రకటన విడుదల చేసింది. పోప్ ఫ్రాన్సిస్ ఆమోదం పొందిన ఈ ప్రకటనలో.. స్వలింగ వివాహాలు పాపమని పేర్కొన్నారు.