దాసరి కుర్చీ కోసం కులాన్ని వాడుకోలేదు

ఇటీవల మరణించిన మాజీ కేంద్ర మంత్రి - దర్శకరత్న దాసరి నారాయణరావు కుటుంబాన్ని పరామర్శించిన సందర్భంగా కేంద్ర మంత్రి - సీనియర్ బీజేపీ లీడర్ వెంకయ్య నాయుడు కీలక వ్యాఖ్యలు చేశారు. దాసరి మిగతా నేతలకంటే భిన్నమైనవారని... ఆయన పదవుల కోసం తన కులాన్ని వాడుకోలేదని అన్నారు. దాసరి అందరి గురించి ఆలోచించేవారని... కొందరు రాజకీయ నాయకులు కుర్చీ కోసం కులాన్ని వాడుకుంటారు. కానీ, దాసరి ఆ పని ఎన్నడూ చేయలేదని కీర్తించారు.
    
దాసరి మృతి పట్ల ఆయన కుటుంబ సభ్యులకు వెంకయ్య సంతాపం తెలిపారు.  మరోవైపు దాసరి నారాయణరావు సంతాప సభ ఈ ఆదివారం  మాదాపూర్‌ లోని ఇమేజ్ గార్డెన్స్‌లో నిర్వహించనున్నారు.  ఈ సందర్భంగా దాసరి కాంస్య విగ్రహాన్ని అక్కడ ఏర్పాటు చేయనున్నారు.
    
దాసరి కాంస్య విగ్రహాన్ని  అనకాపల్లికి చెందిన శిల్పి కామధేనువు ప్రసాద్ తయారు చేస్తున్నారు. దీంతో పాటు, ఫిలింనగర్‌ లో ఏర్పాటు చేసేందుకు కూడా మరో విగ్రహాన్ని తయారు చేస్తున్నట్లు ప్రసాద్ వెల్లడించారు. ఫిలింనగర్ లో ఏర్పాటు చేయబోయే విగ్రహం తొమ్మిది అడుగుల ఎత్తున తయారు చేస్తున్నారు.

Like Us on Facebook : https://www.facebook.com/Tupakidotcom/