తేడా వస్తే ఎవరినైనా మొహం మీదే మాట్లాడే కాపు నేత ముద్రగడ పద్మనాభానికి నిక్కచ్చిగా మాట్లాడుతారని పేరుంది. సాధారణంగా ఆయనకు విషయాలను దాటవేయడం, అబద్ధాలు చెప్పడం తెలియదు. కానీ.. ఎందుకో తాజాగా మాత్రం ఆయన జనసేన అధినేత పవన్ కల్యాణ్ విషయంలో భారీ డైలాగు కొట్టారు. అసలు పవన్ కల్యాణ్ ఎవరో తనకు తెలియదని చెప్పారు. దీంతో ఆయన గతంలో పవన్ గురించి చేసిన వ్యాఖ్యలు, ఆయనకు రాసిన లేఖ సంగతేంటన్న విమర్శలు వస్తున్నాయి. ఆ పవన్ కల్యాణ్ వేరు, ఇప్పుడు తెలియదని చెప్తున్న పవన్ కల్యాణ్ వేరా అంటూ పవన్ అభిమానులు ప్రశ్నిస్తున్నారు.
నెల్లూరు జిల్లాలోని వెంకటగిరిలో పర్యటిస్తున్న ముద్రగడ పద్మనాభం ఈ వ్యాఖ్యలు చేశారు. వెంకటగిరి సంస్థానాధీశులను మర్యాదపూర్వకంగా కలిసిన ఆయన అనంతరం మాట్లాడుతూ జనసేన పవన్ కళ్యాణ్ ఎవరో తనకు తెలియదన్నారు. అతనెవరో తనకు పరిచయంలేదని ఆయన అన్నారు. పవన్‌తో ప్రత్యక్ష పరిచయం లేదంటే ఓకే కానీ, పవన్ తెలియదంటే ఎవరైనా నమ్ముతారా అని పవన్ అభిమానులు విమర్శిస్తున్నారు.
అంతేకాదు... ఆగస్టు నెలలో ఆయన పవన్‌కు రాసిన బహిరంగ లేఖ గురించి కూడా ప్రస్తావిస్తున్నారు. అంతేకాదు... ఇటీవల బీబీసీకి ఇచ్చిన ఇంటర్వ్యూలో పవన్ కు ధన్యవాదాలు చెప్పిన విషయాన్నీ గుర్తు చేస్తున్నారు. పవన్ కల్యాణ్ తమకు ఎప్పుడూ మద్దతు తెలపలేదు కానీ, కాపులకు బీసీ రిజర్వేషన్లు ఇచ్చి తీరాల్సిందేనని ఆయన ప్రభుత్వాన్ని ప్రశ్నించినందుకు ధన్యావాలు చెప్పిన విషయాన్ని గుర్తు చేస్తున్నారు.
కాగా కొద్దినెలల కిందట ముద్రగడ.. పవన్ కు రాసిన లేఖలో చంద్రబాబు విషయంలో జాగ్రత్తగా ఉండమని కూడా హెచ్చరించారు. సీఎం చంద్రబాబు నాయుడి ఉచ్చులో పడి, ఆయన చెప్పే అబద్ధాలను నమ్మి మీ పరపతిని తగ్గించుకోకండి.. అంటూ ఆయన పవన్ కల్యాణ్ కు రాసిన ఆ బహిరంగ లేఖలో పేర్కొన్నారు. పవన్ కల్యాణ్, చంద్రబాబుతో భేటీ అయిన తరువాత ఆయన ఈ లేఖ రాశారు.
నెల్లూరు జిల్లాలోని వెంకటగిరిలో పర్యటిస్తున్న ముద్రగడ పద్మనాభం ఈ వ్యాఖ్యలు చేశారు. వెంకటగిరి సంస్థానాధీశులను మర్యాదపూర్వకంగా కలిసిన ఆయన అనంతరం మాట్లాడుతూ జనసేన పవన్ కళ్యాణ్ ఎవరో తనకు తెలియదన్నారు. అతనెవరో తనకు పరిచయంలేదని ఆయన అన్నారు. పవన్‌తో ప్రత్యక్ష పరిచయం లేదంటే ఓకే కానీ, పవన్ తెలియదంటే ఎవరైనా నమ్ముతారా అని పవన్ అభిమానులు విమర్శిస్తున్నారు.
అంతేకాదు... ఆగస్టు నెలలో ఆయన పవన్‌కు రాసిన బహిరంగ లేఖ గురించి కూడా ప్రస్తావిస్తున్నారు. అంతేకాదు... ఇటీవల బీబీసీకి ఇచ్చిన ఇంటర్వ్యూలో పవన్ కు ధన్యవాదాలు చెప్పిన విషయాన్నీ గుర్తు చేస్తున్నారు. పవన్ కల్యాణ్ తమకు ఎప్పుడూ మద్దతు తెలపలేదు కానీ, కాపులకు బీసీ రిజర్వేషన్లు ఇచ్చి తీరాల్సిందేనని ఆయన ప్రభుత్వాన్ని ప్రశ్నించినందుకు ధన్యావాలు చెప్పిన విషయాన్ని గుర్తు చేస్తున్నారు.
కాగా కొద్దినెలల కిందట ముద్రగడ.. పవన్ కు రాసిన లేఖలో చంద్రబాబు విషయంలో జాగ్రత్తగా ఉండమని కూడా హెచ్చరించారు. సీఎం చంద్రబాబు నాయుడి ఉచ్చులో పడి, ఆయన చెప్పే అబద్ధాలను నమ్మి మీ పరపతిని తగ్గించుకోకండి.. అంటూ ఆయన పవన్ కల్యాణ్ కు రాసిన ఆ బహిరంగ లేఖలో పేర్కొన్నారు. పవన్ కల్యాణ్, చంద్రబాబుతో భేటీ అయిన తరువాత ఆయన ఈ లేఖ రాశారు.