సీఎంకు యువకుడి థ్యాంక్స్.. మీ లాక్ డౌన్ పొడిగింపుతో నా లవర్ పెళ్లి ఆగిపోతుంది

ఓ యువకుడు ముఖ్యమంత్రికి చేసిన విజ్ఞప్తి సోషల్​ మీడియాలో వైరల్​ గా మారింది. ఈ ఘటన జరిగింది ఒడిశాలో.. కరోనా లాక్​డౌన్​ విషయంలో బీహార్​ ప్రభుత్వం కఠినంగా వ్యవహరిస్తున్న విషయం తెలిసిందే. ఇటీవల లాక్​డౌన్​, కఠిన ఆంక్షలు కూడా విధించింది. అయితే ఈ సందర్భంగా ఓ యువకుడు చేసిన ట్వీట్​ సోషల్​ మీడియాలో నవ్వులు పూయించింది. ఇంతకీ ఏం జరిగిందంటే.. మే 13న బిహార్​లో లాక్​డౌన్​ పొడిగిస్తున్నట్టు అక్కడి ప్రభుత్వం ప్రకటించింది. ఈ సందర్భంగా సీఎం నితిశ్​ కుమార్​ రాష్ట్రంలో కఠిన ఆంక్షలు విధిస్తున్నట్టు ప్రకటించారు. సీఎం నితీశ్​ ఓ ట్వీట్​ చేశారు..

‘రాష్ట్రంలో ఇప్పటికే లాక్​డౌన్​ అమలవుతున్న విషయం తెలిసిందే. లాక్​డౌన్​ వల్లే కేసులు తగ్గుతున్నాయి. దీంతో లాక్​డౌన్​ పొడిగించాలని ప్రభుత్వం నిర్ణయం తీసుకున్నది. మరో 10 రోజుల పాటు లాక్​డౌన్​ పొడిగిస్తున్నాము. అంటే మే 16 నుంచి 25 వరకు లాక్​డౌన్​ కొనసాగిస్తున్నాం’ అంటూ ట్విట్​ చేశాడు. ఈ ట్వీట్​ కు పంకజ్​ గుప్తా అనే ఓ యువకుడు గమ్మత్తైన రిప్లై ఇచ్చాడు. ‘సార్ లాక్​డౌన్​ విధించి మంచి పని చేశారు. సరిగ్గా ఇదే టైంలో ​ నా  ప్రియురాలికి పెళ్లిపెట్టుకున్నారు. మీరు లాక్​డౌన్​ విధించడం వల్ల ఈ పెళ్లి ఆగిపోతుంది. నేను మీకు ఎంతో రుణపడి ఉంటాను సార్​. థ్యాంక్యూ సార్​’ అంటూ పంకజ్  ట్వీట్​ పెట్టాడు. ఈ ట్వీట్​ సోషల్​ మీడియాలో వైరల్​ గా మారింది.

ఫేస్​బుక్​, వాట్సాప్​లో ఈ ట్వీట్​ ట్రెండింగ్​లో నిలిచింది. నెటిజన్లు ఎమోజీలతో కామెంట్లు, షేర్స్ చేస్తున్నారు. ఈ ట్వీట్​ కు వేల సంఖ్యలో లైకులు వచ్చాయి. మరోవైపు మనదేశంలో కరోనా కేసులు రోజురోజుకూ విపరీతంగా పెరిగిపోతున్నాయి.  గత 24 గంటల్లో 2.59 లక్షల తాజా కోవిడ్ -19 కేసులు నమోదయ్యాయి.  4,200 మందికి ప్రాణాలు కోల్పోయారు. తమిళనాడులో 35,579 కేసులు నమోదయ్యాయి. 30,491 కేసులతో కేరళ రెండో స్థానంలో ఉంది.  ఇక ఏపీలో 22,610 కేసులు నమోదయ్యాయి.