ఇంగ్లీష్, కొరియన్‌, స్పానిష్‌లో 'దేవర'.. మరి హిందీలో?
దేవర హిందీ స్ట్రీమింగ్ కోసం ఎదురు చూస్తున్న వారికి సర్‌ప్రైజింగ్‌గా ఇంగ్లీష్, కొరియన్‌, స్పానిష్‌, బ్రెజిలియన్‌, పోర్చుగీస్‌ వంటి విదేశీ భాషల్లోనూ స్ట్రీమింగ్ మొదుల అయింది.
ఎన్టీఆర్‌, జాన్వీ కపూర్‌ జంటగా కొరటాల శివ దర్శకత్వంలో రూపొందిన దేరవ సినిమా దసరా ముందు ప్రేక్షకుల ముందుకు వచ్చిన విషయం తెల్సిందే. సినిమాకు భారీ ఓపెనింగ్స్ నమోదు కావడంతో లాంగ్‌ రన్‌లో వరల్డ్‌ బాక్సాఫీస్ వద్ద 'దేవర' సినిమా దాదాపుగా రూ.500 కోట్ల వసూళ్లు నమోదు చేసినట్లుగా సమాచారం అందుతోంది. దేవర సినిమా 50కి పైగా థియేటర్లలో 50 రోజులు పూర్తి చేసుకున్నట్లుగా మేకర్స్ ప్రకటించారు. ప్రస్తుతం నెట్‌ఫ్లిక్స్‌లో దేవర సినిమా స్ట్రీమింగ్ అవుతోంది. సౌత్‌ భాషల అన్నింటిలోనూ దేవర స్ట్రీమింగ్ అవుతూ ఉండగా హిందీలో మాత్రం స్ట్రీమింగ్‌కి కాస్త సమయం పడుతుందని అంటున్నారు.
దేవర హిందీ స్ట్రీమింగ్ కోసం ఎదురు చూస్తున్న వారికి సర్‌ప్రైజింగ్‌గా ఇంగ్లీష్, కొరియన్‌, స్పానిష్‌, బ్రెజిలియన్‌, పోర్చుగీస్‌ వంటి విదేశీ భాషల్లోనూ స్ట్రీమింగ్ మొదుల అయింది. విదేశీ భాషల్లో ఇండియన్ సినిమాలు చాలా అరుదుగా మాత్రమే స్ట్రీమింగ్ అవుతూ ఉంటాయి. నెట్‌ఫ్లిక్స్ ఈ సినిమాకి ఉన్న పొటెన్షియల్‌ నేపథ్యంలో విదేశీ భాషల్లో స్ట్రీమింగ్ చేయడం జరిగిందని తెలుస్తోంది. సోషల్‌ మీడియాలో దేవర సినిమాకు ఉన్న బజ్ నేపథ్యంలో అన్ని వర్గాల వారిని ఆకట్టుకుంటూ ఉంది. సోషల్‌ మీడియాలో దేవర సినిమా గురించి ఇంకా ప్రధానంగా చర్చ జరుగుతూ ఉంది.
విదేశీ భాషల్లో ఈ సినిమాని స్ట్రీమింగ్ చేయడం బాగానే ఉంది, కానీ హిందీ భాషలో దేవర సినిమాను ఎప్పుడు అందుబాటులో ఉంచుతారు అంటూ నెట్‌ఫ్లిక్స్ ఇండియాను సోషల్‌ మీడియా ద్వారా కొందరు ప్రశ్నిస్తున్నారు. త్వరలోనే దేవర సినిమా పార్ట్‌ 2ని ప్రారంభించే అవకాశాలు ఉన్నాయి. దర్శకుడు కొరటాల శివ దేవర పార్ట్‌ 2 స్క్రిప్ట్ వర్క్‌ కోసం దాదాపు ఆరు నెలల సమయం తీసుకుంటాడని తెలుస్తోంది. మొదటి పార్ట్‌తో పోల్చితే రెండో పార్ట్‌ అంతకు మించి అన్నట్లుగా ఉంటుంది అంటూ మేకర్స్ హామీ ఇస్తున్నారు.
ప్రస్తుతం ఎన్టీఆర్‌ 'వార్‌ 2' సినిమాలో నటిస్తున్నాడు. బాలీవుడ్‌ సూపర్ స్టార్‌ హృతిక్‌ రోషన్‌ హీరోగా రూపొందుతున్న వార్‌ 2 లో ఎన్టీఆర్‌ నెగటివ్‌ షేడ్స్ ఉన్న పాత్రలో కనిపించబోతున్నాడు. అందుకోసం ఎన్టీఆర్‌ చాలా విభిన్నమైన లుక్‌లో కనిపిస్తాడని మేకర్స్ చెబుతున్నారు. అయాన్‌ ముఖర్జీ దర్శకత్వంలో యశ్‌ రాజ్‌ ఫిల్మ్స్ బ్యానర్‌లో రూపొందుతున్న ఈ స్పై థ్రిల్లర్‌ తర్వాత ఎన్టీఆర్‌ చేయబోతున్న సినిమాకు ప్రశాంత్‌ నీల్ దర్శకత్వం వహించబోతున్నాడు. వచ్చే ఏడాదిలోనే ఎన్టీఆర్‌, నీల్ మూవీ పట్టాలెక్కబోతుంది. సలార్‌ 2 సినిమా షూటింగ్‌ పూర్తి అయిన వెంటనే ఎన్టీఆర్‌ తో ప్రశాంత్‌ నీల్ కలుస్తాడు అంటూ కన్నడ మీడియా వర్గాల ద్వారా సమాచారం అందుతోంది.