శ్రీలీలపై కామెంట్.. రామ్ పొగిడినట్టా లేక..!

ధమాకా హిట్ తో శ్రీ లీల సినిమాల హవా గురించి అందరికీ తెలిసిందే. అమ్మడు ఇప్పుడు ఏకంగా ఎనిమిది సినిమాల దాకా చేస్తుంది. ఈ సినిమాలన్నీ కూడా ఒక దాన్ని మించి మరొకటి అన్నట్లుగా ఉన్నాయి. ప్రతి సినిమాలో శ్రీ లీల సంథింగ్ స్పెషల్ గా ఉండేలా ఉంది. ఈ నెల 28న రామ్ స్కంద నుంచి జనవరి 12 మహేష్ గుంటూరు కారం వరకు ఈ ఐదు నెలలు ఐదు రిలీజ్ లతో శ్రీ లీల సత్తా చాటుతుంది.

రామ్ తో స్కంద సినిమా చేసిన శ్రీ లీల అతనితో బాగా క్లోజ్ అయినట్టు అనిపిస్తుంది. స్కంద ప్రమోషనల్ ఇంటర్వ్యూస్ లో భాగంగా శ్రీ లీల డే ఆఫ్ తీసుకుంటే ఏం చేస్తుందని యాంకర్ అడిగితే రామ్ అందుకుని శ్రీ లీల డే ఆఫ్ చేస్తే ఇండస్ట్రీ మొత్తం ఖాళీగా ఉంటుందని అన్నాడు. అంటే శ్రీ లీల అన్ని సినిమాలు చేస్తుంది కాబట్టి ఆ సినిమాలన్నీ ఆగిపోతాయన్న ఉద్దేశ్యం తో రామ్ ఆ కామెంట్ చేశాడు.

అయితే రామ్ చేసిన కామెంట్ ఆమెను పొగిడాడా లేక సెటైర్ వేశాడా అన్నది అర్థం చేసుకోవాలి. రామ్ స్కంద బోయపాటి శ్రీను డైరెక్ట్ చేశారు. రామ్ కెరీర్ లో భారీ యాక్షన్ మూవీగా ఈ సినిమా వస్తుంది. శ్రీ లీల చిన్నా పెద్ద అనే తేడా లేకుండా వరుస సినిమాలు చేసుకుంటూ వెళ్తుంది. పవన్ మహేష్ లాంటి స్టార్స్ తో చేస్తూ వైష్ణవ్ తేజ్ లాంటి యువ హీరోలతో కూడా జత కడుతుంది. ఈమధ్య కాలంలో ఏ హీరోయిన్ కూడా శ్రీ లీల చూపిస్తున్న దూకుడు చూపించలేదని చెప్పొచ్చు.

ఇక శ్రీ లీల ఓ పక్క సినిమాల్లో ఎంత బిజీగా ఉన్నా ఎం.బి.బి.ఎస్ చేస్తుంది. ఆమె డిసెంబర్ లో ఎం.బి.బి.ఎస్ పరీక్షలు రాయాల్సి ఉందట. డిసెంబర్ నెల మొత్తం షూటింగ్స్ లు క్యాన్సిల్ చేసుకుందని తెలుస్తుంది. అయితే డిసెంబర్ లో నితిన్ ఎక్స్ ట్రా ఆర్డినరీ మ్యాన్ సినిమా రిలీజ్ ఉంది. ఆ సినిమాకు తన పార్ట్ పూర్తి చేసి రిలీజ్ టైం లో ఇంటర్వ్యూస్ ఒక్కటి ఇవ్వాలని అనుకుంటుంది శ్రీ లీల. మొత్తానికి శ్రీ లీల తెలుగులో చేస్తున్న సినిమాలన్నీ సూపర్ క్రేజ్ తెచ్చుకుంటున్నాయి. ఈ సినిమాలతో అమ్మడు స్టార్ రేంజ్ కి వెళ్తుందా లేదా అన్నది చూడాలి.