రక్షిత్ శెట్టి హిట్‌ కొడితే మాత్రం...!
ఒకప్పుడు కన్నడ సినిమాలకు తెలుగు లో పెద్దగా మార్కెట్‌ ఉండేది కాదు. కానీ కేజీఎఫ్ తర్వాత తెలుగు ప్రేక్షకులకు కన్నడ సినిమాల వైపు చూస్తున్నారు.
ఒకప్పుడు కన్నడ సినిమాలకు తెలుగు లో పెద్దగా మార్కెట్‌ ఉండేది కాదు. కానీ కేజీఎఫ్ తర్వాత తెలుగు ప్రేక్షకులకు కన్నడ సినిమాల వైపు చూస్తున్నారు. కేజీఎఫ్ తర్వాత కాంతార, 777 చార్లీ ఇంకా కొన్ని కన్నడ సినిమాలు తెలుగు రాష్ట్రాల బాక్సాఫీస్ వద్ద సందడి చేసిన విషయం తెల్సిందే. అందుకే మరి కొన్ని కన్నడ సినిమాలు వస్తున్నాయి.
అందులో భాగంగానే కన్నడ యంగ్‌ స్టార్ రక్షిత్ శెట్టి నటించిన సినిమాను తెలుగు లో 'సప్తసాగరాలు దాటి' అనే టైటిల్ తో రిలీజ్ చేసేందుకు సిద్ధం అయ్యారు. ఈనెల 22వ తారీకున విడుదల చేయబోతున్నట్లుగా అధికారికంగా ప్రకటించారు. రక్షిత్ శెట్టి గత చిత్రాలు తెలుగు లో మంచి టాక్ ను సొంతం చేసుకుని తెలుగు ప్రేక్షకుల దృష్టిని ఆకర్షించాయి.
కన్నడం లో ఈ సినిమా భారీ వసూళ్లు సాధించిన నేపథ్యంలో తెలుగు లో కూడా మంచి విజయాన్ని సొంతం చేసుకునే అవకాశాలు ఉన్నాయి అంటున్నారు. వచ్చే వారంలో పెద్దగా పోటీ లేకపోవడంతో తెలుగు బాక్సాఫీస్ వద్ద ఈ సినిమా మినిమం వసూళ్లు సాధించే అవకాశాలు కనిపిస్తున్నాయి.
కన్నడంలో మాదిరిగా తెలుగు లో కూడా ఈ సినిమా భారీ విజయాన్ని సొంతం చేసుకుంటే రక్షిత్ శెట్టికి మరింత క్రేజ్ పెరగడం ఖాయం. టాలీవుడ్ లో ఇప్పటికే రక్షిత్ శెట్టి గుర్తింపు ఉంది. కనుక ఈ సినిమాతో మరో విజయాన్ని సొంతం చేసుకుంటే తెలుగు లో డైరెక్ట్‌ సినిమా చేసే అవకాశాలు కూడా రావచ్చు అంటున్నారు.
నేషనల్ క్రష్ రష్మిక మందన్నా మాజీ ప్రియుడు అవ్వడం వల్ల కూడా తెలుగు ప్రేక్షకుల్లో రక్షిత్ శెట్టి గురించి ఆసక్తి ఉంది. కనుక సప్తసాగరాలు దాటి సినిమా విజయాన్ని సొంతం చేసుకుంటే టాలీవుడ్ లో మంచి మార్కెట్‌ క్రియేట్‌ అయ్యే అవకాశాలు ఉన్నాయనే అభిప్రాయం వ్యక్తం అవుతోంది.