నాని సినిమా.. గట్టిగా డిమాండ్ చేస్తున్న ఆ యాక్టర్

కోలీవుడ్ స్టార్ యాక్టర్ తనకంటూ ప్రత్యేకమైన గుర్తింపు సొంతం చేసుకున్న నటుడు సూర్య. దర్శకుడిగా కెరియర్ స్టార్ట్ చేసిన సూర్య పవన్ కళ్యాణ్, సూపర్ స్టార్ మహేష్ బాబుతో సినిమాలు చేశారు. తమిళంలో విజయ్ హీరోగా మూవీ చేసి సూపర్ హిట్ కొట్టాడు. తరువాత నటుడిగా మారిన ఎస్.జె.సూర్య ప్రస్తుతం యాక్టర్ గా స్టార్ ఇమేజ్ ని ఆశ్వాదిస్తున్నారు.

మురుగదాస్ దర్శకత్వంలో సూపర్ స్టార్ మహేష్ బాబు హీరోగా వచ్చిన స్పైడర్ మూవీ ఎస్.జె.సూర్య ఇమేజ్ ని మార్చేసింది. సినిమా ఫెయిల్ అయిన కూడా సూర్య మాత్రం నటుడిగా సక్సెస్ అయ్యాడు. కోలీవుడ్ వరుస అవకాశాలు అందుకుంటూ ప్రతినాయకుడిగా పవర్ ఫుల్ పాత్రలతో దూసుకుపోతున్నాడు.

రీసెంట్ గా మార్క్ అంటోనీ సినిమాలో మదన మార్తాండ క్యారెక్టర్ లో సూర్య తన పెర్ఫార్మెన్స్ తో నెక్స్ట్ లెవల్ కి వెళ్ళిపోయారు. ఈ మార్క్ అంటోనీ హిట్ తో ఇప్పుడు నటుడిగా అతని ఇమేజ్ మరింత పెరిగింది. దీంతో స్టార్ యాక్టర్ గా ఫుల్ డిమాండ్ వచ్చేసింది. ఇప్పుడు తెలుగులో కూడా సూర్యకి అవకాశాలు వస్తున్నాయి.

నేచురల్ స్టార్ నాని హీరోగా వివేక్ ఆత్రేయ దర్శకత్వంలో మూవీ సెట్స్ పైకి వెళ్లనున్న సంగతి తెలిసిందే. వివేక్ ఆత్రేయ రెగ్యులర్ ఫార్మాట్ నుంచి బయటకొచ్చి కంప్లీట్ గా న్యూ సబ్జెక్ట్ తో మూవీ చేస్తున్నాడు. ఈ సినిమా కోసం సూర్యని ప్రతినాయకుడిగా తీసుకోవడానికి ప్రయత్నాలు చేస్తున్నారు. ఇప్పటికే అతనికి వివేక్ కథ కూడా చెప్పి ఒప్పించారంట.

అధికారికంగా అతని పేరు కన్ఫర్మ్ చేయాల్సి ఉంది. రెమ్యునరేషన్ పరంగా కూడా సూర్యకి ఇప్పుడు ఫుల్ డిమాండ్ ఉంది. ఏకంగా 8 కోట్ల వరకు డిమాండ్ చేస్తున్నట్లు టాక్ వినిపిస్తోంది. విలన్ గా చేస్తున్న రెగ్యులర్ ఫార్మాట్ నుంచి బయటకొచ్చి కొత్తగా ట్రై చేస్తూ ఉండటం వలన సూర్య విలనిజం భాగా వర్క్ అవుట్ అవుతోంది. అందుకే రెమ్యునరేషన్ ఎక్కువైన కూడా దర్శక, నిర్మాతలు అతని డేట్స్ కోసం క్యూ కడుతున్నారు.