లిప్ లాక్ సీన్ అంటే ఏడ్చేసిన హీరోయిన్..!

వెండితెర మీద తమని తాము గా ప్రూవ్ చేసుకోవడానికి ఒక్కొక్కరు ఒక్కోలా చేస్తుంటారు. కొందరు ఎలాగైనా సరే టాప్ రేంజ్ కి వెళ్లాల్సిందే అని రెచ్చిపోతారు కొందరు మాత్రం తమ కెరీర్ మీద పూర్తి అవగాహనతో వారికి నచ్చినట్టుగానే చేస్తూ ఉంటారు. ఐతే గ్లామర్ ఫీల్డ్ లో నెగ్గుకు రావాలంటే మాత్రం మడి కట్టుకు కూర్చుంటా అంటే కుదరని పని. కానీ కొందరు భామలు వారి ప్రత్యేకమైన ప్రతిభతో అవి అవసరం లేకపోయినా రాణిస్తున్నారు. బాలీవుడ్ లో ఇలా కష్టం కానీ సౌత్ సినిమాలకు అంత కష్ట పడాల్సిన అవసరం లేదు.

ఐతే హీరోయిన్ గా ఎంట్రీ ఇచ్చే ముందే గ్లామరస్ గా కనిపించడం.. లిప్ లాక్ సీన్స్, బోల్డ్ సీన్స్ లాంటివి చేయడానికి ముందే ప్రిపేర్ అయ్యి వస్తారు. కానీ కొందరు మాత్రం అలాంటివి చేయడానికి ససేమీరా ఒప్పుకోరు. ప్రస్తుతం సౌత్ లో స్టార్ హీరోయిన్ గా ఉన్న సాయి పల్లవి అలానే తనకు నచ్చిన సినిమాలే చేస్తూ అలాంటి వాటికి దూరంగా ఉంటూ వస్తున్నారు. ఐతే ఇప్పుడు మరో హీరోయిన్ కూడా నో లిప్ లాక్స్ అంటుంది.

హిందీలో సీరియల్స్ చేస్తూ ఆ క్రేజ్ తో సిల్వర్ స్క్రీన్ ఛాన్సులు అందుకుంది శృతి శర్మ. గట్బంధాన్ సీరియల్ తో నటన మొదలు పెట్టిన శృతి శర్మ ఆ తర్వాత మంచి అవకాశాలు అందుకుంది. ఇండియన్ నెక్స్ట్ సూపర్ స్టార్ షోలో టాప్ 3 గా నిలిచిన ఆమెను చూసి నవీన్ పొలిశెట్టి ఏజెంట్ సాయి శ్రీనివాస్ ఆత్రేయ సినిమాలో తీసుకున్నారు. ఐతే ఆ సినిమా వచ్చి నాలుగేళ్లు అవుతున్నా మళ్లీ శృతి శర్మకు మరో ఛాన్స్ రాలేదు.

ఇక శృతి శర్మ రీసెంట్ గా సంజయ్ లీలా భన్సాలి తీసిన హీరామండి వెబ్ సీరీస్ లో చిన్న పాత్ర చేసింది. ఐతే ఆ సీరీస్ లో కూడా లిప్ లాక్ సీన్స్ ఉన్నాయట. తనకు ఇచ్చిన స్క్రిప్ట్ లో లిప్ లాక్ సీన్స్ చూసి అమ్మడు ఏడ్చేసిందట. ఐతే సంజయ్ లీలా భన్సాలి ఆమె ఇబ్బందిని గుర్తించి లిప్ లాక్స్ లేకుండానే షూటింగ్ చేశారట. హీరోయిన్ గా కేవలం ఇలా మాత్రమే ఉండాలని కొన్ని లిమిట్స్ పెట్టుకున్న శృతి శర్మ ఎట్టి పరిస్థితుల్లో ఆ గీత దాటనని అంటుంది. మరి అమ్మడు ఎప్పుడు ఇలానే ఉంటానంటే సినిమా ఛాన్సులు రావడం కష్టం కదా అని అనుకుంటున్నారు సినీ విశ్లేషకులు.