అయ్యో.. స్కందలో శ్రీలీలకు న్యాయం చేయలేదే

మాస్ సినిమాల‌కి కేరాఫ్ అడ్రెస్​ బోయ‌పాటి శ్రీను. ఆయ‌న ద‌ర్శ‌క‌త్వంలో ఎనర్జిటిక్​ స్టార్​ రామ్ పోతినేని నటించిన చిత్రం స్కంద. పైగా ఈ సినిమాలో శ్రీలీల హీరోయిన్​ అనగానే.. కాంబోపై మరింత అంచనాలు పెరిగాయి. ఈ క‌ల‌యిక‌పై ప్రేక్ష‌కుల్లో ప్ర‌త్యేక‌మైన ఆస‌క్తి ఏర్ప‌డింది. ముఖ్యంగా బోయ‌పాటి మార్క్ సినిమాలో ఎన‌ర్జిటిక్ హీరో రామ్ - శ్రీలీల ఎలా క‌నిపిస్తారో చూడాల‌నే ఉత్సుక‌త ఏర్ప‌డింది. అయితే తాజాగా విడుదలైన ఈ సినిమా చూస్తే.. శ్రీలీలను తన టాలెంట్​కు తగ్గట్టు వినియోగించుకోలేదని అర్థమవుతోంది.

శ్రీలీల అంటేనే గ్యామర్​తో పాటు ఫుల్​ ఎనర్జీ. మరీ ముఖ్యంగా మాస్​ డ్యాన్స్​ క్వీన్ అనే పేరు కూడా ఈ మధ్య తెచ్చుకుంది​. ఇంకా ఎంతటి క్రేజ్ సంపాదించుకుందంటే.. ఆమెను చూడటానికే ప్రేక్షకులు థియేటర్లకు వచ్చే రేంజ్​లో తన పాపులారిటీ పెరిగిపోయింది. ఇప్పటికే ఈ ముద్దుగుమ్మ తన యాక్టింగ్​తో పాటు మాస్​ సాంగ్స్​లో తన డ్యాన్స్​ మేనియాతో ప్రేక్షకుల్ని మాయ చేసేసింది.

దీంతో స్కందలోనూ ఇది రిపీట్​ అవుతుందని అంతా ఆశించారు. ఆమెకు సాలిడ్ రోల్ దక్కుతుందని ఆశించారు. సాధారణంగా రామ్ ఎంత ఎనర్జీగా డాన్స్ చేస్తారో అందరికీ తెలుసు. ఆయన డ్యాన్స్​కు శ్రీలీల ఎనర్జీ డ్యాన్స్​ కూడా తోడైతే స్టేజ్​ దద్దరిల్లుతుందని అంతా అనుకున్నారు. కానీ సినిమాలో అలా లేదు. శ్రీలీల పాత్ర, స్క్రీన్ ప్రెజెన్స్​ లిమిటెడ్​గానే ఉంది.

ఆమె పాత్రకు పెద్ద స్కోప్​ లేదు. పైగా చిత్రంలోని మాస్​ సాంగ్స్ కూడా ఆమెకు పెద్ద ఫేవర్​గా లేవు. ఎక్కువగా స్పాట్​లైట్ రామ్​పైనే​ ఉంది. ఆయన్నే హైలైట్ చేశారు. దీంతో స్కంద చూసిన వారు.. శ్రీలీలను ఆమె టాలెంట్​కు తగ్గట్టు ఉపయోగించుకోలేదని అంటున్నారు. కేవలం ఉన్నంత‌లోనే తన పాత్రకు శ్రీలీల త‌న అందంతో, డ్యాన్స్‌లతో ఆకట్టుకుందని చెబుతున్నారు.

ఇక ఈ సినిమా విషయానికొస్తే.. రామ్ న‌ట‌న‌, డ్యాన్స్‌. బోయ‌పాటి మార్క్ మాస్ అంశాలు, యాక్ష‌న్‌, భావోద్వేగాలు సినిమాకు బలంగా నిలిచాయి. అక్క‌డ‌క్క‌డా రొటీన్‌గా అనిపించే స‌న్నివేశాలు సినిమాకు మైనస్​. ఒక్క మాటలో చెప్పాలంటే.. స‌్కంద‌ మాస్ జాత‌ర అని చెప్పొచ్చు.