శ్రీ‌లీల‌ను అంత‌గా భ‌య‌పెట్టిన విష‌యం?
టాలీవుడ్ అందాల క‌థానాయిక శ్రీలీల స్కై ఈజ్ లిమిట్ అన్న చందంగా ఎదుగుతున్న సంగ‌తి తెలిసిందే
టాలీవుడ్ అందాల క‌థానాయిక శ్రీలీల స్కై ఈజ్ లిమిట్ అన్న చందంగా ఎదుగుతున్న సంగ‌తి తెలిసిందే. వ‌రుస‌గా క్రేజీ చిత్రాల్లో న‌టిస్తోంది ఈ బ్యూటీ. తన తదుపరి చిత్రం 'భగవంత్ కేసరి' దసరా సందర్భంగా విడుద‌ల కానుంది. ప్రచార ఫ‌ర్వంలో శ్రీలీల చాలా ఆస‌క్తిక‌ర విష‌యాల‌ను రివీల్ చేస్తోంది. నిజానికి నంద‌మూరి బాల‌కృష్ణ‌తో క‌లిసి న‌టించ‌డం అంటే ఏ న‌టికి అయినా అది ఒక స‌వాల్ లాంటిదే. అందుకే శ్రీలీల చాలా భ‌య‌ప‌డింద‌ట.
తొలి మీటింగ్ లో బాల‌య్య గురించి చాలా విన్నాను గ‌నుక భ‌య‌ప‌డ్డాను. ఆయ‌న చాలా పెద్ద స్టార్ క‌దా! ఇక తొలి రోజు షూటింగులో ఆయ‌న నాకు పుషప్స్ కోసం ట్రైనింగ్ ఇవ్వాల్సి ఉంటుంది. అందుకు సంబంధించిన సన్నివేశాన్ని చిత్రీకరించారు. నేను జిమ్ కి వెళ్లే అమ్మాయిని కాను కాబట్టి అలా చేయడం నాకు చాలా కష్టమైంది. బాలకృష్ణ సార్ 'అయ్యా.. సరిగ్గా చేయి' అంటూ టోన్ పెంచారు. నేను ఉద్విగ్నతకు లోనయ్యాను. కానీ ప్ర‌య‌త్నించాను. నేను స‌రిగా చేయ‌డంలో ఫెయిలైతే ద‌ర్శ‌కుడే నాకు కొన్ని సూచ‌న‌లు ఇచ్చేవారు..'' అని శ్రీలీల చెప్పారు. శ్రీలీల ఇంకా చాలా సంగతులే చెప్పారు. భగవంత్ కేస‌రిలో తాను రెగ్యుల‌ర్ గా పోషించే త‌ర‌హా కాకుండా భిన్న‌మైన పాత్ర‌లో క‌నిపిస్తాన‌ని తెలిపారు.
శ్రీలీల నెక్ట్స్ ఏంటి?
నవీన్ పోలిశెట్టి కథానాయకుడిగా న‌టిస్తున్న 'అనగనగా ఒక రాజు'లో శ్రీలీల న‌టిస్తుంద‌ని క‌థ‌నాలొచ్చాయి. టీజర్‌తో దీనిని అధికారికంగా ప్ర‌క‌టించారు. ఈ చిత్రంలో నవీన్ పోలిశెట్టి సరసన ప్రతిభావంతురాలైన శ్రీలీల న‌టిస్తుంద‌ని తెలిపారు. ఈ ప్రాజెక్ట్‌పై భారీ అంచనాలను పెంచుతూ థమన్‌ని సంగీత దర్శకుడిగా తీసుకున్నారు. అయితే ఈ సినిమాకు సంబంధించి ఎలాంటి అప్‌డేట్‌లు ఇటీవ‌ల లేకపోవడంపై సందేహాలున్నాయి. ఏడాది క్రితం ప్రకటించినప్పటికీ, ఈ చిత్రానికి సంబంధించిన షూటింగ్ ఇంకా ప్రారంభం కాలేదు. నిర్మాతలు నిర్దేశించిన అంచనాలను అందుకోవడంలో కథాంశం విఫలమవడంతో, ఆకస్మికంగా సినిమాను వదులుకోవాలనే నిర్ణయం తీసుకున్నట్లు క‌థ‌నాలొచ్చాయి. కార‌ణం ఏదైనా ఈ పరిణామం శ్రీలీలకి చాలా నిరాశ కలిగించింది. ఎందుకంటే అనగనగా ఒక రాజు తన కెరీర్‌లో గ్రాండ్ అనౌన్స్‌మెంట్ తర్వాత ఆగిపోయిన మొదటి సినిమా కావ‌డ‌మే దీనికి కార‌ణం.
ప్ర‌స్తుతానికి సూప‌ర్ స్టార్ మ‌హేష్ - త్రివిక్ర‌మ్ మూవీ గుంటూరు కారం షూటింగును శ్రీలీల పూర్తి చేస్తోంది. గుంటూరు కారంలో శ్రీలీల తో పాటు మీనాక్షి చౌద‌రి క‌థానాయిక‌గా ఆడిపాడుతోంది. ఎన‌ర్జిటిక్ డ్యాన్సులు పెర్ఫామెన్సెస్ తో ఆక‌ట్టుకునే శ్రీలీల‌కు మ‌హేష్ సినిమా పెద్ద అస్సెట్ కానుంద‌ని భావిస్తున్నారు.