శ్రీలీల.. ఈ టాలెంట్ క్లిక్కయితే తిరుగుండదు

టాలీవుడ్ లో ప్రస్తుతం జెట్ స్పీడ్ తో వరుస సినిమాలు చేస్తోన్న ముద్దుగుమ్మ అంటే వెంటనే శ్రీలీల అని చెబుతారు. అంతగా ఈ అమ్మడుకి అవకాశాలు క్యూ కడుతున్నాయి. ఈమెకి వస్తోన్న ఛాన్స్ లు కూడా ఒకదానిని మించి ఒకటి అనేలా ఉన్నాయి. సూపర్ స్టార్ మహేష్ బాబు గుంటూరు కారం, పవన్ కళ్యాణ్ ఉస్తాద్ భగత్ సింగ్ సినిమాలలో కూడా శ్రీలీల హీరోయిన్ గా అవకాశం కొట్టేసింది.

ఈ రెండు సినిమాలు భారీ బడ్జెట్ తో తెరకెక్కుతోన్న కమర్షియల్ స్టార్ హీరోల నుంచి రాబోతున్నాయి. ఇవి హిట్ అయితే శ్రీలీల స్టార్ ఇమేజ్ అమాంతం పెరిగిపోతుంది. మొదటి సినిమా డిజాస్టర్ అయిన కూడా ఇలా వరుస అవకాశాలు రావడంతో శ్రీలీలని అందరూ లక్కీ గర్ల్ అని భావిస్తున్నారు. చాలా మంది హీరోయిన్స్ ఏళ్ల తరబడి వెయిట్ చేస్తోన్న రాని ఛాన్స్ లు ఈ బ్యూటీకి వెంటవెంటనే వచ్చేస్తున్నాయి.

ఇదిలా ఇప్పటి వరకు శ్రీలీల నుంచి మూడు సినిమాలు ప్రేక్షకుల ముందుకి వచ్చాయి. అందులో పెళ్లి సందడి, స్కంద డిజాస్టర్ అయ్యాయి. ఒక్క ధమాకా మాత్రం బ్లాక్ బస్టర్ హిట్ అయ్యింది. ఈ సినిమాలో సాంగ్స్, డాన్స్ లతో శ్రీలీల ఇరగదీసింది. స్కంద ఆమెకి ఏ విధంగా కూడా ప్లస్ కాలేదు. ప్రస్తుతం బాలకృష్ణ భగవంత్ కేసరి సినిమాతో తన అదృష్టం పరీక్షించుకాబోతోంది.

ఈ చిత్రంలో ఆమె హీరోయిన్ గా చేయడం లేదు. బాలయ్య కూతురిగా విజ్జీ పాప పాత్రలో కనిపిస్తోంది. పూర్తిగా నటనకి స్కోప్ ఉన్న రోల్ అని చెప్పాలి. ఈ పాత్రలో నటిగా ఆమె మంచి మార్కులు వేసుకుంటే మాత్రం ఇక టాలీవుడ్ లో తిరుగుండదు. ఇప్పటి వరకు వచ్చిన సినిమాలలో గ్లామర్, డాన్స్ పరంగా ప్రూవ్ చేసుకున్న శ్రీలీలకి నటిగా ప్రూవ్ చేసుకునే ఛాన్స్ భగవంత్ కేసరితో వచ్చింది.

ఇప్పటికే మల్టీటాలెంటెడ్ అనిపించుకుంటున్న శ్రీలీల భగవంత్ కేసరితో నటిగా విమర్శకుల ప్రశంసలు సొంతం చేసుకుంటే మాత్రం ఆమె కెరియర్ కి ఓ పదేళ్ళ పాటు ఎలాంటి డోకా ఉండదు. ప్రస్తుతం కాంపిటేషన్ వేవ్ లో తమని తాము ఎంత భాగా రిప్రజెంట్ చేసుకుంటే అంతగా అవకాశాలు వస్తాయి. ఇప్పుడు శ్రీలీల అదే పనిలో ఉందని చెప్పాలి.