ఇండియాలో పుష్ప 2 బుకింగ్స్‌ ప్రారంభం ఎప్పుడంటే..!
ఎట్టకేలకు ఇక్కడ అడ్వాన్స్ బుకింగ్‌కు ఏర్పాట్లు జరుగుతున్నాయి.
అల్లు అర్జున్‌ పుష్ప 2 సినిమా డిసెంబర్ 5న ప్రపంచ వ్యాప్తంగా విడుదల కాబోతుంది. ఇప్పటికే యూఎస్‌లో ఈ సినిమా టికెట్ల అమ్మకాలు ప్రారంభం అయ్యాయి. దాదాపు 60 వేలకు పైగా టికెట్లు అమ్ముడు పోయాయి అనే వార్తలు వస్తున్నాయి. విడుదలకు ముందే అక్కడ పుష్ప 2 సినిమా 5 మిలియన్ డాలర్ల వసూళ్లు నమోదు చేసే అవకాశాలు ఉన్నాయని మేకర్స్ నమ్మకంగా చెబుతున్నారు. యూఎస్‌లో ఈ సినిమా భారీ ఎత్తున ప్రీ సేల్‌ జరుగుతున్న నేపథ్యంలో ఇండియాలో ఈ సినిమా అడ్వాన్స్ బుకింగ్‌ ఎప్పుడు ప్రారంభం అవుతుందా అంటూ అంతా ఆసక్తిగా ఎదురు చూస్తున్నారు. ఎట్టకేలకు ఇక్కడ అడ్వాన్స్ బుకింగ్‌కు ఏర్పాట్లు జరుగుతున్నాయి.
తెలుగు రాష్ట్రాల్లో సినిమా టికెట్ రేట్ల పెంపుకు రెండు ప్రభుత్వాల నుంచి ఒకటి రెండు రోజుల్లో స్పష్టత వచ్చే అవకాశాలు ఉన్నాయి. తెలుగువారు గర్వించే మూవీ కావడంతో పుష్ప 2 కి తెలుగు ప్రభుత్వాలు బంపర్‌ ఆఫర్‌ ఇచ్చే అవకాశాలు ఉన్నాయి. టికెట్ల రేట్ల పెంపు ఎంత అనేది స్పష్టత వచ్చిన వెంటనే అడ్వాన్స్ బుకింగ్‌ మొదలు కాబోతుంది. ఇప్పటికే సెన్సార్‌ ఫార్మాల్టీస్‌కి సంబంధించిన ఏర్పాట్లు జరుగుతున్నాయి. మొత్తానికి సినిమా ఇండియాలో సందడి మొదలు చేయడానికి ఎంతో సమయం లేదు. సినిమాకు ఉన్న బజ్ నేపథ్యంలో ఏకంగా 11500 స్క్రీన్స్‌లలో విడుదల చేయబోతున్నారు. ఇండియాలో అత్యధికంగా సినిమాను విడుదల చేయబోతున్నారు.
సినీ వర్గాల నుంచి అందుతున్న సమాచారం ప్రకారం నవంబర్‌ 30 నుంచి లేదా డిసెంబర్ 1 నుంచి పుష్ప 2 అడ్వాన్స్ బుకింగ్‌ ఇండియాలో మొదలు కాబోతుంది. ఫ్యాన్స్‌తో పాటు ప్రేక్షకులు అంతా ఎప్పుడెప్పుడు అడ్వాన్స్ బుకింగ్‌ షురూ అవుతుందా అంటూ ఆసక్తిగా ఎదురు చూస్తున్నారు. కచ్చితంగా బాక్సాఫీస్‌ బద్దలు కొట్టే మూవీ కనుక తప్పకుండా అడ్వాన్స్ బుకింగ్‌ అదే స్థాయిలో జరిగే అవకాశాలు ఉన్నాయి. ఎంత ముందుగా అడ్వాన్స్ బుకింగ్‌ జరిగితే మొదటి రోజు వసూళ్లు అంత ఎక్కువగా ఉంటాయని మేకర్స్ భావిస్తున్నారు. అందుకే నాలుగు, అయిదు రోజుల ముందుగానే సినిమా అడ్వాన్స్ బుకింగ్‌ని ఇండియాలో మొదలు పెట్టే అవకాశాలు ఉన్నాయి.
అల్లు అర్జున్‌, రష్మిక మందన్న జంటగా నటించిన ఈ సినిమాలో శ్రీలీల చేసిన కిస్సిక్ ఐటెం సాంగ్‌ ఓ రేంజ్‌లో దూసుకు పోతుంది. ఇప్పటికే 50 మిలియన్ వ్యూస్‌ను రాబట్టిన ఈ సినిమా ముందు ముందు మరింతగా వ్యూస్‌ను సొంతం చేసుకునే అవకాశాలు ఉన్నాయి. మొత్తానికి ఇండియాలో ఈ సినిమా అత్యధిక వసూళ్లు దక్కించుకున్న సినిమాగా నిలవడం ఖాయం అంటూ ప్రతి ఒక్కరు నమ్ముతున్నారు. రూ.1000 కోట్ల ప్రీ రిలీజ్‌ బిజినెస్ చేసిన ఈ సినిమా బాక్సాఫీస్‌ వద్ద రూ.2000 కోట్ల వసూళ్లు సాధించి బాహుబలి 2 రికార్డ్‌తో పాటు దంగల్‌ రికార్డులను సొంతం బ్రేక్ చేసే అవకాశాలు ఉన్నాయి అంటున్నారు.