అఖిల్ అక్కినేని.. మరో న్యూ కాంబో..?

ఇండస్ట్రీలోకి అడుగుపెట్టే హీరోలంతా తమను తాము నటుడిగా స్టార్ గా ప్రూవ్ చేసుకోవాలనే అనుకుంటారు. దాని కోసం వారి శాయశక్తులా ప్రయత్నిస్తూనే ఉంటారు. అయితే, ఏ హీరోకి అయినా మొదటి సినిమానే బ్లాక్ బస్టర్ హిట్ కాకపోవచ్చు. కానీ, రెండో సినిమానో, మూడో సినిమానో అయినా హిట్ పడుతుంది. కానీ, అక్కినేని వారసుడు అఖిల్ విషయంలో మాత్రం అలా జరగడం లేదు.

పాపం ఇప్పటి వరకు అఖిల్ చెప్పుకోదగిన హిట్ ఒక్కటి కూడా పడలేదు. మంచి డైరెక్టర్లు, మంచి కథలే ఎంచుకుంటున్నాడు. తన నటనలో కూడా వంకలు వెతకాల్సిన అవసరం లేదు. కానీ, ఎక్కడ తేడా కొడుతుందో తెలీదు కానీ, హిట్ మాత్రం అందని ద్రాక్ష అయిపోయింది. మోస్ట్ ఎలిజిబుల్ బ్యాచిలర్ మాత్రమే కాస్త పర్వాలేదనిపించింది.

చివరగా వచ్చిన ఏజెంట్ మూవీ పై చాలా ఆశలు పెట్టుకున్నాడు, తన లుక్, డైలాగ్ డెలివరీ అన్నీ మార్చుకున్నాడు. కానీ, అట్టర్ ప్లాప్ అయ్యింది. దీంతో, ఈసారైనా హిట్ కొట్టాలి అనే కసితో మరో మూవీని ఎంచుకున్నట్లు తెలుస్తోంది. ఒకప్పుడు ఫ్యామిలీ డ్రామాలతో ప్రేక్షకులను అలరించిన శ్రీకాంత్ అడ్డాలతో అఖిల్ జోడీ కట్టడానికి రెడీ అయ్యాడు.

శ్రీకాంత్ అడ్డాల కూడా నారప్ప సినిమాతో తన పంథా మార్చుకున్నాడు. ప్రస్తుతం పెద కాపు సినిమాతో ప్రేక్షకుల ముందుకు రావడానికి రెడీ అయ్యాడు. కాగా, ఆయన రీసెంట్ కి అఖిల్ కథ చెప్పినట్లు తెలుస్తోంది. ఇదో యాక్షన్ ఓరియెంటెడ్ స్టోరీ అని తెలుస్తోంది. కచ్చితంగా అఖిల్, శ్రీకాంత్ లకు మంచి కమ్ బ్యాక్ మూవీ అవుతుందని వారు నమ్ముతున్నారట.

ఈ సినిమాకు దిల్ రాజు నిర్మాణ బాధ్యతలు చేపడుతున్నారు. ఇప్పటి వరకు హీరోయిన్, ఇతర క్యారెక్టర్లు ఎవరినీ ఇంకా ఫైనల్ చేయలేదు. త్వరలోనే ఈ విషయాలను అధికారికంగా ప్రకటించే అవకాశం ఉంది. కాగా, ఈసారైనా అఖిల్ శ్రీకాంత్ ద్వారా మంచి హిట్ పడితే బాగుండు అని అక్కినేని ఫ్యాన్స్ కోరుకుంటున్నారు. మరి ఏం జరుగుతుందో చూడాలి.