అకీరా నందన్‌కి న‌ట గురువు ఎవరో తెలుసా?
పవన్ రాజ‌కీయాల్లో బిజీ అయినందున వార‌సుడు అకీరా న‌ట‌న‌లోకి అడుగుపెట్ట‌నున్నాడు దానికోసం సుశిక్షితుడైన గురువు వ‌ద్ద శిక్షణ పొంద‌నున్నార‌ని తెలిసింది.
ప‌వ‌ర్‌స్టార్ పవన్ క‌ల్యాణ్ లెగ‌సీని ముందుకు న‌డిపించేందుకు అకీరా నందన్ సిద్ధ‌మ‌వుతున్నారా? అంటే అవున‌నే క‌థ‌నాలొస్తున్నాయి. పవన్ రాజ‌కీయాల్లో బిజీ అయినందున వార‌సుడు అకీరా న‌ట‌న‌లోకి అడుగుపెట్ట‌నున్నాడు. దానికోసం సుశిక్షితుడైన గురువు వ‌ద్ద శిక్షణ పొంద‌నున్నార‌ని తెలిసింది.
దేశంలోనే టాప్ స్టార్లలో ఒకరైన పవన్ కళ్యాణ్ ప్రస్తుతం ఆంధ్రప్రదేశ్‌లో డిప్యూటీ సీఎంగా కొనసాగుతున్నారు. అలాగే పెండింగ్‌లో ఉన్న సినిమాలను పూర్తి చేసే పనిలో బిజీగా ఉన్నారు. అయితే పవన్ పూర్తిగా రాజ‌కీయాల‌కే అంకిత‌మైతే అత‌డి న‌ట‌వార‌సుడు టాలీవుడ్ లో త‌న లెగ‌సీని ముందుకు తీసుకెళ్లాల్సి ఉంటుంది. దానికోసం అకీరా ఇప్ప‌టి నుంచే ప్రిపరేష‌న్ లో ఉన్నాడు. అకీరా నందన్ ఆరున్న‌ర అడుగుల ఆజానుభాహుడు. ప్రభాస్, రానాలా ఒడ్డు పొడుగు ఉన్న హీరో. పైగా స్మార్ట్ గా కనిపిస్తాడు. అకీరా నందన్ త్వరలో ప్రముఖ న‌ట‌గురువు సత్యానంద్ దగ్గర నటన నేర్చుకోనున్నాడని వార్తలు వచ్చాయి.
సత్యానంద్ పరిశ్రమలో మంచి నటనా గురువు. ఆయ‌న శిక్ష‌ణాల‌యం విశాఖ‌ప‌ట్నంలో ఉంది. గతంలో పవన్ కళ్యాణ్, ప్రభాస్, నితిన్ వంటి హీరోల‌కు శిక్ష‌ణ‌ను అందించారు. ఆయ‌న వ‌ద్ద ఎంద‌రో న‌ట‌వార‌సులు, ఔత్సాహిక న‌టులు శిక్షణ పొందారు. అందుకే అకీరా నందన్ ఆయ‌న వ‌ద్ద శిక్షణ తీసుకోనున్నాడని సమాచారం. విదేశాల్లోను అత‌డికి మార్ష‌ల్ ఆర్ట్స్ కి సంబంధించిన శిక్షణ ఉంటుంది.
పవన్ కళ్యాణ్ OG నుండి వైర‌ల్ అయిన ఒక చిన్న వీడియో క్లిప్‌లోని యువ నటుడు మరెవరో కాదు ! అది క‌చ్ఛితంగా అకిరా నందన్ అని చాలా మంది అంటున్నారు. ఒక‌వేళ ఇదే నిజ‌మైతే అకీరా డెబ్యూ గ్రాండ్ గా ఉండ‌బోతోంద‌ని భావించాల్సి ఉంటుంది. ఈ వార్త నిజమో కాదో కాలమే సమాధానం చెప్పాలి. ఏది ఏమైనా మెగా కుటుంబం నుంచి మ‌రో మెగా న‌ట‌వార‌సుడు అకీరా తెరంగేట్రానికి రంగం సిద్ధ‌మైంది. అయితే దీనిని పవన్ క‌ల్యాణ్ కానీ, రేణు దేశాయ్ కానీ అధికారికంగా ధృవీక‌రించాల్సి ఉంటుంది.